HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2056 [304] Ahırkapı Dispanseri Mübâdelenin bi'l-külliye hitâmı ve umûm imdâd-ı sıhhî heyʼât ve dispanser ve seyyâr tabâbet- lerin ilgâsı münâsebetiyle Ahırkapı Dispanseri Mart nihâyetinde seddedilmişdir. _______________ Hilâl-i Ahmer İstanbul Fukarâ Muʻâyenehâneleri [1]341 [1925] senesi Mart ayı zarfında İstanbul fukarâ muʻâyenehânelerine mürâcaʻat eden hastalar: Dispanserin İsmi Aded Fatih 1.214 Cağaloğlu 988 Üsküdar 694 Yekûn 2.896 İzmir Hilâl-i Ahmer Merkezi'nin 1340 [1924] Senesi Rapor ve Bilançosu Muhterem Efendiler! [1]339 [1923] senesine âid raporumuzda arz u îzâh etmiş olduğumuz vechile heyʼetimizin bu seneki mesâʻîsini Yunanistan'dan gelen mübâdilîn meyânındaki muhtâcînin teʼmîn ve tehvîn-i ihtiyâ- câtı teşkîl etmişdir. Mübâdil halkın husûsât-ı sıhhiye ve iʻâşeleriyle meşgûl olmak üzere irkâs iske- lelerinde Hilâl-i Ahmer İmdâd-ı Sıhhî Heyʼetleri ve vapurlarda da seyyâr etıbbâ bulundurulmak sû- retiyle bir gûnâ vukûʻât-ı sıhhiyeye meydân verilmemesine iʻtinâ olunması ve ihrâc iskelelerinde de teşkîlât-ı sıhhiye vücûda getirilerek lâzıme-i muʻâvenetin îfâsı takarrür etmiş olmasına mebnî mühim bir ihrâc iskelesi olan İzmir'de lüzûmu olan teşkîlât ve teʼsîsâtın îfâsı merkez-i umûmîce merkezimize teveccüh buyurulmuş idi. Bu sebeble heyʼetimiz, muhterem halkımızın hiss-i hamiyetinden aldığı ilhâm ile bu işi hüsn-i sûretle îfâ ve intâc edebileceği kanâʻatini hâsıl ederek İzmir'de iki yüz yataklı bir hastahâne ile ayrıca bir dispanser teʼsîs etmiş ve bu teşkîlât sâyesinde burada bir gûne vukûʻât-ı sıhhiyeye meydân verilmeyerek muvaffakiyetle îfâ-yı muʻâvenet ve muzâherete devâm edilmekde bulunmuşdur. Merkezimiz İzmir'deki teʼsîsâtından mâʻadâ Klazomen Tahaffuzhânesi teşkîlâtına da ehemmi- yetli bir sûretde muʻâvenet ve muzâheretde bulunmuşdur. Bidâyeten Tepecik'de kâin emrâz-ı sâriye hastahânesinde ve bilâhare naklen Kemer muhâcirîn barakaları ittisâlinde teʼsîs olunan hastahâne ve nekâhethânede bir sene zarfında 512 hasta tedâvî olunmuşdur. Mahall-i iskânlarına sevk oluncaya değin barakalarda iskân olunan muhâcirîn her gün tabîbimiz maʻrifetiyle muʻâyeneden geçirilmekde olduğu gibi bunlardan ayakda tedâvîsi mümkün olabilenlere teshîlât olmak üzere hastahânemiz ittisâlinde küşâd olunan dispanserde de bir sene zar- fında 5.894 hasta muʻâyene ve tedâvî edilmişdir. Hastahâne ve dispanserimizin izdihâm ve suver-i sâire ile muhâcirîn arasında vukûʻu muhtemel görünen emrâz-ı sâriyenin menʻ-i vukûʻuna âmil-i müttehim olduğunu arz edebiliriz.