HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2057 Şehrimizde senelerden beri hâl-i faʻâliyetde bulunan ve fukarâ-yı halkın tedâvîleriyle idâme-i sıhhatlerine pek büyük yardımı olduğu günden güne tezâyüd eden mürâcaʻatdan anlaşılan İkiçeşme- lik'de kâin 1 numaralı muʻâyenehânemize bir sene zarfında 28.558 hasta mürâcaʻat etmiş ve muʻâle- celeri de meccânen verilmişdir. Geçen seneki raporumuzda musarrah olduğu vechile Torbalı nâhiyesinin Tepeköy Çiftliği'nde inşâ etdirilen 2 numaralı muʻâyenehânemizin İzmir'den sûret-i mahsûsada mahalline azîmet eden bir heyʼet-i muhtereme huzûruyla 16 Mayıs [1]340 [1924] târîhinde resm-i küşâdı icra edilmiş ve işbu dispanserimizde de bir sene zarfında 8.511 hastanın muʻâyeneleri icrâ ve muʻâleceleri de meccânen iʻtâ kılınmışdır. Merkezimiz dâimî olan bu muzâheret ve muʻâvenetinden mâʻadâ mülhakâtda sıtmadan en ziyâ- de muztarib olan ahâlîye tevzîʻ edilmek üzere mahallî şuʻbelerine lüzûmu mikdârda kinin göndermiş ve birçok muhâcirîn ve muhtâcîne de yatak, yorgan, battâniye, çamaşır, kömür, [305] pirinç vesâire gibi eşyâ tevzîʻ etmiş ve lüzûmuna göre nakden de muʻâvenetde bulunmuşdur. Erzurum zelzelesinde kâmilen harâb olan Yağan köyü La localité de Yagan, complètement dévastée par le tremblement de terre Kazâ merkezlerinde pek mübrem bir ihtiyâcı teʼmînen hükûmetçe birer hastahâne teʼsîsi ta- karrür ederek lüzûmu olan tahsîsât verilmiş ise de günden güne hâl-i terakkîd[e] bulunan eşyâ ve levâzımın verilen tahsîsât ile kâmilen teʼmîn ve tedârük edilemeyeceği anlaşıldığından bu husûsda da Hilâl-i Ahmer'in muʻâvenetine mürâcaʻat edilmesi üzerine yatak takımlarıyla battâniye, karyola ve levâzımât-ı sâire verilmek sûretiyle muʻâvenetimize teşmîl edilmişdir. Mülhakât hastahânelerine, müessesât-ı sıhhiye ve hayriyeye, muhâcirîn ve muhtâcîne aynen yapılan muʻâvenet cedvel-i mahsûsunda ale'l-müfredât gösterilmişdir.