HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2058 Merkezimiz bir sene zarfında îfâ etdiği bu hidemât için hulâsa-i hesâbiyemizin tedkîkinden anlaşılacağı vechile altmış bin lira derecesinde sarfiyâtda bulunmuş ve merkez-i umûmîye de on yedi bin lira gönderebilmişdir. Merkezimizin muʻayyen vâridâtı olmamasına mebnî îfâsı derʻuhde edilen hidemâtın istilzâm eylediği karşılığı bulmakda heyʼetimiz büyük müşkilâta maʻrûz kalmış ve bâdî-i mahcûbiyet bir hâle meydân verilmemek üzere her birerlerimiz meşâgıl-i şahsiyemize yapdığı teʼsîre rağmen fevkalâde ibrâz-ı mesâʻî ile teʼmîn edilebilmişdir. Efendiler! Memâlik-i ecnebiye Salîb-i Ahmerleri her sene muʻayyen ve mukarrer bir büdce ile îfâ-yı muʻâvenete âzim oldukları hâlde bizde şimdiye kadar maʻalesef muʻayyen katʻî bir büdce ile hare- ket edebilmek imkânı hâsıl olamamışdır. Sebebi de her fırsat zuhûrunda arz u îzâh olunduğu vechile muʻayyen bir vâridât menbaʻımız olmamasından münbaʻisdir. Memâlik-i ecnebiye Salîb-i Ahmerleri büdcelerinin belli başlı vâridât faslını aʻzâ-yı âmilesinin senevî verdikleri muʻayyen birer mikdâr teşkîl etmesine ve aʻzâ-yı âmilesi yüz binlere bâliğ olmasına rağmen bizim aʻzâ-yı âmilemiz mikdârı ekall-i kalîldir. Cemʻiyete senevî bir lira teʼdiyesini taʻahhüd eden her zât aʻzâ-yı âmile kaydolun- duğu hâlde münevver, zengin ve beş yüz bini mütecâviz nüfûsa mâlik şehrimizle muhîtinde ise aʻzâ-yı âmile mikdârı maʻatteessüf iki bini tecâvüz edememişdir. Bu vazʻiyet-i elîmeyi nazar-ı dikkate alan cemʻiyetimiz muhterem halkımızı cemʻi- yetle alâkadâr ve bu vesîle ile [306] aʻzâ-yı âmilesi mikdârını tezyîd edebilmek üzere şehrimizin muhtelif noktalarında birer Hilâl-i Ahmer Cemʻ-i İʻânât Heyʼeti teşkîlini tasav- vur etmiş ve bu tasavvurâtını mevkiʻ-i tatbîke vazʻ etmiş ise de iki-üç mıntıkadan mâʻadâ diğerlerinin müsmir âsâr-ı fiʻliyesine şâhid olunamamışdır. Muhterem Efendiler! Menâfiʻ-i umûmiyeye hâdim beynel- milel imtiyâzı hâiz yegâne cemʻiyet-i hayriye olan Hilâl-i Ahmer'i yaşatmak, teʻâlî etdirmek en birinci vezâif-i insâniye ve milliyemizden olmalıdır. Cemʻiyete senevî bir lira gibi cüzʼî bir parayı veremeyecek şehrimizde hiçbir ferd tasavvur edemiyoruz. Yeter ki, delâleti kabûl etmiş olan zevât-ı kirâm bir izdihâm-ı faʻâliyet göstermesin. Mahallât cemʻ-i iʻânât heyʼet-i muhteremelerine burada vazîfe-i te- şekkürümüzü îfâ ederken bu sene zarfında daha vâsiʻ faʻâliyetlerine muntazar olduğu- muzu arz ederiz. Erzurum zelzele mıntıkalarından Yağan köyü harâbe- lerinde Reîsicumhûrumuz Gâzî Paşa hazretlerinin ahâlî ile hasbihâli Ghazi Moastapha Kémal Pacha, Président de la Ré- publique Turque, au milieu dʼun groupe dʼéprouvés du tremblement de terre de Yagan