HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2090 İngiliz Salîb-i Ahmeri İngiliz Salîb-i Ahmeri Kütübhâneler Komitesi 30 Eylül 1924'de hitâm bulan sene zarfında Harb-i Umûmî'ye iştirâk eden asâkire mahsûs 1.443 hastahâne ve müessesâtı kütübhânelerle techîz ve 140 hastahâneye de kitâb ihdâ etmişdir. Geçen 6 Kânûn-ı Sânî'de telsiz telgrafla vukûʻ bulan mürâcaʻat üzerine kütübhâneler komitesi nâmına İngiliz Salîb-i Ahmeri'ne 48.000 cild kitâb gönderilmişdir. _______________ Viyana Hıfzıssıhha Sergisi Şarkî ve Merkezî Avrupa memleketleri Salîb-i Ahmer'i ikinci konferansı Mayıs'ın on birinden on beşinci gününe kadar Viyana'da inʻikâd edecekdir. Bu konferansa birçok Salîb-i Ahmerlerle berâber Beynelmilel Verem Birliği, Salîb-i Ahmer Cenevre Merkez Komitesi, Etfâle Muʻâvenet Beynelmilel İttihâdı, Akvâm Meclisi iştirâk edecekdir. Konferansa Alman Salîb-i Ahmeri "Sıhhî Hayât"a, Lehistan Salîb-i Ahmeri "Muʻâvenât-ı Müs- taʻcele"ye, Yunan Salîb-i Ahmeri "Sunûf-ı Halk Arasında Hıfzıssıhha Propagandası"na ve Gençlik Salîb-i Ahmeri tarafından "Çocuklara Maʻlûmât-ı Sıhhiye Tedrîsi"ne dâir raporlar takdîmini vaʻd etmişdir. Konferansa iştirâk eden Salîb-i Ahmer cemʻiyetlerinden Alman Salîb-i Ahmeri Berlin'de Ro- bert Koch Müessesesi'nin ve Radîʻleri Himâye Alman Cemʻiyeti'nin, Alman Verem Cemʻiyeti Mer- kez-i Umûmîsi'nin, Alman Emrâz-ı Zühreviye Mücâdele Cemʻiyeti'nin ve Alman Kanser[le] Mücâ- dele Heyʼet-i Merkeziyesi'nin ve Yunan Salîb-i Ahmeri Muhibb-i Vatanî Muʻâvenet Cemʻiyeti'nin ve verem, sıtma, kanser liglerinin ve Macar Salîb-i Ahmeri Himâye-i Etfâl ve Stefani Himâye-i Etfâl Cemʻiyetlerinin ve Macaristan Etfâle Beynelmilel Muâʻvenet Dârüssınâʻası'nın da daʻvet edilmesini taleb etmişlerdir. _______________ Portekiz Salîb-i Ahmeri Portekiz Salîb-i Ahmer Cemʻiyeti 60'ıncı sene-i devriye-i teessüsünü 1 Mart'da tesʻîd etmişdir. Portekiz Salîb-i Ahmeri'ne tûl-i ömür ve mesâʻîsinde muvaffakiyet temennî ederiz. _______________ İsveç Gençlik Salîb-i Ahmeri İsveç Gençlik Salîb-i Ahmeri aʻzâsına mahsûs hüviyet varakalarında âtîdeki cümleler muhar- rerdir: "-Hastalara, ihtiyârlara, fukarâya yardım etmeğe, sıhhat ü âfiyetle yaşamağa, benî nevʻime hiz- met etmeğe ve 'hepimiz kardeşiz' şiʻârına itâʻatle iyi bir arkadâş olmağa saʻy ü ihtimâm edeceğim". Bu cümlelerin zîrine sâhib-i varaka vazʻ-ı imzâya mecbûrdur. _______________