HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 44 2092 23 senede kaç kişi öldü? Tanzîm edilen istatistiklere nazaran 23 sene zarfında yani [1]317 [1901] senesinden [1]339 [1923] senesine kadar bütün memleketde emrâz-ı akliye ve asabiyede 15 bin küsûr kişi ölmüşdür ki, çok korkunç bir yekûndur. Vatan " [330] Hindistan'daki Heyʼetimiz Hilâl-i Ahmer'e âid bazı husûsâtı tesviye etmek üzere Hindistan'a iʻzâm kılınan heyʼetimiz aʻzâsından biri Bombay'da intişâr eden İngilizce Bombay Chronicle gazetesine beyânât-ı âtiyede bu- lunmuşdur: "-Yunanistan'dan gelen muhâcirleri iskân etmek, azîm ve masraflı bir işdir. Fevkalâde mesâʻî- sine rağmen Hilâl-i Ahmer vazʻiyet ile mücâdele etmeğe muktedir olamıyor. Türk milleti ve Türk hükûmeti bu husûsda elden geleni yapıyor. Hükûmet muhâcirler için altı milyon lira tahsîs ve bu meblağı Hilâl-i Ahmer sarf etmişdir. Bu meblağdan başka Hilâl-i Ahmer, en ziyâde muhtâc olan muhâcirlere kendi parasından bir milyon liradan fazla nakden ve bir buçuk milyon lira kıymetinde olan battâniye, çamaşır, elbise vesâire aynen tevzîʻ etmişdir. Bunu da unutmamalıyız ki, Hilâl-i Ah- mer Yunan tahrîbâtından müteessir olan Türklere azîm meblağlar sarf etmişdir. Bu masârıfa rağmen Hilâl-i Ahmer her vakit iş başındadır. Fakat bu işler üzerine bir de mübâdele mesʼelesi zuhûr etmiş- dir. Mübâdele mesʼelesi çıkmazdan evvel, Hilâl-i Ahmer Yunan mezâliminden müteessir olmuş olan Türkler için İzmir civârında on bin baraka inşâ etmişdir. Bu vekâyiʻ göz önünde durup dururken cemʻiyetin mübâdele mesʼelesi işlerindeki vazʻiyetinin ne kadar müşkil olduğu kendiliğinden tezâhür eder. Hükûmetin bu maksad uğrunda sarf edilmek üzere yeni büdceye tahsîsât vazʻ edeceğini ve bu tahsîsâtın gelecek senelerin büdcelerine dahi idhâl eyleyeceğini ümîd ederiz. Hâricin Hilâl-i Ahmer'e olan muʻâvenetine gelince; Hindistan'dan gayrı memleketlerden muʻâ- venet gördük. Amerika Müslümânlarıyla ve Afganistan da bize yardım etmişlerdir. HİLÂL-İ AHMER SEMT TEŞKÎLÂTI Hilâl-i Ahmer'e Vâridât Teʼmîni Mesʼelesi (42'nci numaradan mâbaʻd) Beylerbeyi Câddesi, Vahidî Bey 10 Beylerbeyi Câddesi, mîralâylıkdan mütekâʻid Fevzi Bey 20 Beylerbeyi Câddesi, Müezzin Nuri Bey 5 Beylerbeyi Câddesi, Orta Sokak'da Arabacı Ali Bey 5 Beylerbeyi Câddesi, Tekke Sokağı'nda Mehmed Efendi 10 Beylerbeyi Câddesi'[nde] sâkin İsmail Ağa 5 Beylerbeyi Câddesi, Şemseddin Sokağı'nda Hâfız Mehmed Efendi 25 Beylerbeyi Câddesi, Hacıömerefendi Sokağı'nda Mehmed Efendi 10 Beylerbeyi Câddesi, Hacıömerefendi Sokağı'nda Hâfız Ömer Efendi 5