HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2115 Gençler, hukûk ve vezâifde millî Salîb-i Ahmer Cemʻiyeti'nin hakîkî aʻzâsı gibidir ve bu iʻ- tibârla arzu [ve] temennîlerine ve hizmet ve muʻâvenetlerine bahş-ı kıymet ve ehemmiyet edildiği kendilerine ihsâs edilir. Muʻâvenet gören çocukların mahcûb ve minnetdârlığını mûcib olacak evzâʻ u hâlâta meydân verilmemesine muʻallimler dikkat etmeli ve muʻâvenetlerine mürâcaʻat edilen küçükler de kendileri- ni muʻâvenet gören çocukların mâ-fevkinde addedilecek temâyülâtdan tahzîr edilmelidir. Muʻallimlerin nezâret-i takayyüdkârîleriyle çocuk muhâberât ve mükâtebâtı etfâl arasında hakîkî dostluk râbıtalarının teʼsîsine hâdimdir. Avusturya'da en maʻrûf muharrirlerin, sanâyiʻ-i nefîse müntesibîninin ve aktörlerin himâye ve muzâheretleri ile fevkalâde kesb-i ehemmiyet eden Gençlik Salîb-i Ahmeri'nin ictimâʻât-ı mühimme- sinde Avusturya reîsicumhûru ve maʻârif nâzırı dâimâ hâzır bulunmakdadır. İtalya'da Gençlik Salîb-i Ahmeri, Salîb-i Ahmer Merkez-i Umûmîsi'ne merbût bir komisyon tarafından idâre edilir. Bu komisyona Salîb-i Ahmer reîs-i umûmîsi veya mümessili olan zât riyâset eder. Komisyonun aʻzâsı Salîb-i Ahmer Merkez-i Umûmîsi'ni, Terbiye-i Bedeniye ve İzci Teşkîlâtı'nı, Maʻârif-i Umûmiye Heyʼet-i Teftîşiyesi'ni, Ticâret ve Mesâʻî Nezâretlerinin fen şuʻbelerini, Hâriciye Nezâreti Memâlik-i Ecnebiye İtalya Mektebleri Şuʻbesi'ni, Muʻallimler Cemʻiyeti'ni, terbiye-i etfâle dâir neşriyâtda bulunan matbûʻâtı temsîl eden on beş zâtdan müteşekkildir. İtalya'da son zamânlarda maʻârif-i umûmiyede yapılan ıslâhât ve kabûl edilen teceddüdât Genç- lik Salîb-i Ahmeri'nin mekteblere idhâli târîhine musâdifdir. Lehistan Salîb-i Ahmeri'nin teşkîlâtıyla berâber idâresi ve teftîşâtı Lehistan Salîb-i Ahmerince müntehab bir heyʼete mevdûʻdur. Bu heyʼetin de aʻzâsı, Salîb-i Ahmer Merkez-i Umûmîsi'nden, Sıhhiye-i Umûmiye ve Muʻâ- venet-i İctimâʻiye Vekâletlerinden, erkek ve kız jimnasları ve mekâtib-i ibtidâiye mümessillerinden müteşekkildir. Heyʼet millî Salîb-i Ahmer binâsında ictimâʻlarını akdeder. Lehistan gençliği beş şuʻbeye münkasemdir: 1-Teşkîlât, propaganda, neşriyât kısımlarını ihtivâ eden şuʻbe-i umûmiye 2-Sıhhiye şuʻbesi 3-Tedrîs ve terbiye şuʻbesi 4-El işleri şuʻbesi 5-Kooperatif ve sergi kısımları da dâhil olmak üzere zirâʻat şuʻbesi Yatak odanızın penceresini her mevsimde açık bırakarak uyumağa alışınız. Lehistan Gençlik Salîb-i Ahmeri'ne âid evrâk [343] ve muhâberât Lehistan Salîb-i Ahmer Mer- kez-i Umûmî reîsi veya aʻzâsıyla gençlik reîsi tarafından müştereken imzâ edilir.