HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2116 -4- Masârıf-ı İdâre Yeni teşekkül eden bir Gençlik Salîb-i Ahmeri'nin ilk zamânlara âid masârıfı millî Salîb-i Ah- mer Cemʻiyeti tarafından derʻuhde edilir. Masârıfın böyle ana cemʻiyetine tahmili, gençlik şuʻbelerinin âtîde kendisi için bir menbaʻ-ı vâ- ridât olabilmesi ihtimâlinden ziyâde bu şuʻbelerin terbiyevî kıymet-i hakîkiyelerinden gençler istifâde ederek ileride Salîb-i Ahmer Cemʻiyeti'ne aʻzâ kaydedilmelerini teʼmîn etmekden ileri gelmekdedir. Bir de millî Salîb-i Ahmer Cemʻiyeti umûr-ı hayriye ve âsâr-ı insâniyetkârîye karşı menâbiʻ-i vâridâtından hiçbirini dirîğ edemeyeceği cihetle mekteb çocuklarının hayır ve nefʻine hasr-ı mesâʻîyi başlıca meşgale ve vazîfe bilen gençlik şuʻbelerine de yardım etmesi gâyet tabîʻîdir. Hattâ bazı millî cemʻiyetler tarafından muʻallimîn ile etfâlin ebeveynine verilen teʼmînâtda teberruʻâtın tamâmıyla muhtassı lehlerine sarf edileceği ve masârıf-ı idâriyenin millî cemʻiyete âid olacağı vaʻd edildiğinden idâre, meʼmûrîn, tevzîʻât ve nakliye masârıfı cemʻiyet-i mezkûrece îfâ edilmekde ve bu sûret ana cemʻiyete aʻzâ kaydını da teshîl etmekdedir. Maʻamâfîh diğer bazı cemʻiyetler ise masârıf-ı idâriyenin hiç olmazsa bir kısm-ı cüzʼîsinin talebeye tahmîlini zarûrî görmekdedir. -5- Aʻzâ Her çocuk cüzʼî bir meblağ mukâbilinde aʻzâ kaydedilebileceği gibi sınıfların ve mekteblerin müctemiʻan Gençlik Salîb-i Ahmeri'ne aʻzâ olmaları da câiz ve cârîdir. İtalya'da senevî üç frank teʼdiye eden umûmî ve husûsî mekâtib-i ibtidâiye ve tâliye talebe ve tâlibâtı Gençlik Salîb-i Ahmeri aʻzâlığına kabûl edilir. Mekteb tahsîlini ikmâl etdikden sonra aʻzâ kalmak arzusunda bulunan çocukların üç frank âi- dât-ı seneviyeyi vermek şartıyla aʻzâlığı ibkâ olunur. Tahsîl-i ibtidâîsini ikmâl etmiş ve fakat henüz Gençlik Salîb-i Ahmeri'ne dâhil olamamış çocuk- lar on sekiz yaşına kadar "çocuk çocuk içindir" kısmına kabûl edilir. Bulgar Salîb-i Ahmeri'nde âidât-ı şehriye jimnaz talebesi için 50 ve mekâtib-i ibtidâiye talebesi için 20 santimdir. Bundan fazlası da kabûl edilir. Bulgar gençlik aʻzâsının cedvel-i esâmîsi sınıf dâhiline taʻlîk edilir. Aʻzâ Salîb-i Ahmer alâme- tini takmağa mecbûrdur. Fakîr mektebler, şuʻbelerinin delâletiyle âidât-ı şehriyeden afv edilir. Her şuʻbe vâridât-ı senevi- yesinin % 20'sini Bulgar Gençlik Salîb-i Ahmeri Merkez-i Umûmîsi'nin ihtiyât sermâyesi için ve % 5'ini kendi masârıfı için tefrîk etdikden sonra mütebâkîsini şuʻbesinin faʻâliyet-i husûsiyesine tahsîs eder. Mekteb etıbbâsı şuʻbenin aʻzâsı addedilir ve ale'l-umûm ictimâʻâtda hâzır bulunmak hakkını hâizdir. Küçük çocuklar da çiçekler gibi ziyâ ve sâf havâya muhtâcdır.