HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2117 [344] -6- Gençlik Salîb-i Ahmer Muʻâvenetlerinden Birkaç Misâl Kanada'da üç milyon nüfûsu olan Ontario eyâleti Gençlik Salîb-i Ahmer aʻzâsı 1923 senesi Ey- lül'ünden 1924 Haziran'ına kadar Japonya zelzelesinden müteessir olan çocuklar için 10.000 dolara yakın bir meblağ toplamışdır. Ormanların hüsn-i muhâfazası için açılan mücâdeleye Kanada Gençlik Salîb-i Ahmeri de iş- tirâk etmişdir. 212.000 aʻzâsı bulunan Japonya gençliği, Avusturya, Lehistan, Çekoslovakya, İngiltere, Cemâhîr-i Müctemiʻa, Fransa, İsveç ve Belçika mektebleriyle teʼsîs-i muhâberât etmiş ve hareket-i arz felâketzedegânına bu gençlik vâsiʻ mikyâsda muʻâ[ve]netde bulunmuşdur. Romanya'da 22 Mart 1922 târîhinde teşkîl edilen Gençlik Salîb-i Ahmeri bugün 50.000'den fazla aʻzâya mâlikdir. Bunlar taʻtîl kolonileri menfaʻatine eğlenceler tertîb eder, hastahânelerde tedâvî edilen etfâle kurâbiye, oyuncak gönderir ve fukarâ-yı etfâle elbise tevzîʻ eyler. Amerika Gençlik Salîb-i Ahmeri Varşova'da çocuklara mahsûs bir muʻâyenehâne küşâd edil- mek maksadıyla Lehistan Salîb-i Ahmeri'ne 30.000 dolar hediye etmişdir. Yine Amerika'da gençlik, etfâl-i maʻlûlenin tedâvîsi için 100.000 dolardan fazla bir masraf ihtiyâr etmişdir. Teşkîlâtı gâyet muʻazzam bir programla idâre edilen Çekoslovakya Gençlik Salîb-i Ahmeri 1923 senesinde 150.000 aʻzâya mâlik iken 1924 senesi zarfında işbu mikdâr 280.000'e bâliğ olmuş- dur. Tabağınızda kedi ve köpeklere yemek vermeyiniz. -7- Gençlik Salîb-i Ahmeri'nin Aʻzâ İstatistiği Aded-i Aʻzâsı Arjantin 41.668 Avustralya 68.482 Avusturya 140.000 Belçika 16.520 Bulgaristan 53.800 Kanada 93.488 Hatt-ı İstivâ 1.000 Estonya 15.504 Amerika 5.596.552 Fransa 2.000