HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2119 heyʼet-i tıbbiyesinden müteşekkil murahhaslar huzûrunda icrâ edilecek imtihânda muvaffak olmak, ictimâʻlara, mesâʻî ve vezâifine iştirâk etmiş bulunmak lâzımdır. Cemʻiyetin mesâʻîsine iştirâki gayr-ı kâfi görülen aʻzâ-yı faʻâle her sene resmen aʻzâ-yı hayriye meyânına naklolunur. Aʻzâ-yı hayriye olmak için senede lâ-ekal üç frank muʻâvenet-i nakdiyede bulunmak îcâb eder. Mecrûhîne ve be-tahsîs cemʻiyete fevkalâde hidemât ve mesâʻîsi mesbûk olanlara heyʼet-i mer- keziye ve meclis-i umûmî karârıyla aʻzâ-yı fahriye unvânı tevcîh edilir. Aʻzâlıkdan istiʻfâ için heyʼet-i merkeziyeye tahrîren mürâcaʻat etmek lâzımdır. Maʻamâfîh, istiʻfânâmenin irsâli o senenin âidâtını iʻtâdan müstaʻfîyi vâreste kılamaz. Âidât-ı seneviyenin iʻtâsını bir seneden fazla teʼhîr edenler cemʻiyetin hukûku mahfûz kalmak şartıyla aʻzâlıkdan ıskât olunur. Cemʻiyetin şeref ü haysiyetini veya menâfiʻini muhil harekâtı tebeyyün eden aʻzâ merkez-i umûmî karârıyla ihrâc edilir. Cemʻiyet binâsı dâhilinde siyâsî, dînî mübâhasât ve münâkaşât memnûʻdur. Cemʻiyet, meclis-i umûmînin inʻikâd-ı senevîsinde hâzır bulunan kadın ve erkek aʻzâ-yı âmi- le ve fahriyenin ekseriyet-i ârâsıyla müntehab, yedisi [346] kadın ve sekizi erkek olmak üzere bir heyʼet-i merkeziye tarafından idâre edilir. Merkez-i umûmî aʻzâsı iki sene müddetle intihâb edilir ve aʻzânın tekrâr intihâbı câizdir. Her sene heyʼet-i merkeziyenin nısfı tecdîd olunur. Reîs ile heyʼet-i idâreyi merkez-i umûmî intihâb eder. Merkez-i umûmîye dâhil olmayan şuʻbe rüesâsının istişârî mâhiyetde reʼylerinden istifâde edilebilir. Nizâmnâme-i esâsîde tasrîh edilmeyen bir hâl vukûʻunda merkez-i umûmî bulacağı tarz-ı tesvi- yeyi karâr şeklinde merkez binâsına taʻlîkan iʻlân eder. Samaritenler Cemʻiyeti heyʼet-i tıbbiye aʻzâsının sarf-ı mesâil-i tıbbiyede ittihâz edeceği mu- karrerât kânûn mâhiyetindedir. Cemʻiyetin menâbiʻ-i vâridâtı evvelâ cemʻiyetin serveti, sâniyen aʻzâ âidâtı, sâlisen tahsîsâtı, râbiʻan hibe ve teberruʻât. Aʻzâ-yı âmile ve hayriye âidât-ı seneviyesi, senede lâ-ekali üç frankdır. Cemʻiyetin serveti en müemmen ve harb veyâhûd diğer umûmî bir âfet zuhûrunda sühûletle nakde tahvîl edilebilecek bir tarzda tenmiye edilir. Meclis-i umûmî, senenin ilk üç ayı zarfında ictimâʻ eder. Cemʻiyetin mesʼûliyeti, mâlik olduğu servetle tahdîd ve takayyüd edilmişdir. İsviçre Samaritenler Cemʻiyeti, 1924 senesi nihâyetinde 435 şuʻbeye ve 18.135 aʻzâ-yı faʻâleye mâlik idi. Cemʻiyet aynı sene zarfında hükûmetden 3.000 ve Salîb-i Ahmer Cemʻiyeti'nden 6.000 frank tahsîsât almışdır. Bundan mâʻadâ, İsviçre Salîb-i Ahmeri, Samariten faʻâliyetine 28.000 frank sarf etmişdir. _______________