HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2121 "-Ankara'da Reîsicumhûr Gâzî Mustafa Kemal Paşa hazretlerine, Hilâl-i Ahmer Cemʻiyeti, hulûlüyle müşerref olduğumuz îd-i saʻîd-i Fıtır'ı hâmî-i muʻazzamına tebrîk ve daha bu gibi nice nice aʻyâd-ı mübârekeyi idrâk buyurmalarını Cenâb-ı Hakk'ın lütf u kere- minden tazarruʻ ve niyâz eyler. Hilâl-i Ahmer Cemʻiyeti Reîs-i Sânîsi Âkil Muhtar" *** "-Ankara'da Başvekîl İsmet Paşa hazretlerine, Hilâl-i Ahmer Cemʻiyeti, îd-i celîl-i millîyi zât-ı âlîlerine tebrîk ile iktisâb-ı mübâhât eyler. Hilâl-i Ahmer Cemʻiyeti Reîs-i Sânîsi Âkil Muhtar" *** "-Ankara'da Başvekîl İsmet Paşa hazretlerine, Hulûlüyle teşerrüf etdiğimiz îd-i saʻîd-i Fıtır'ı Hilâl-i Ahmer Cemʻiyeti nâmına zât-ı sâmîlerine tebrîğe müsâraʻat eylerim, efendim. Hilâl-i Ahmer Cemʻiyeti Reîs-i Sânîsi Âkil Muhtar" _______________ Hilâl-i Ahmer Hastabakıcı Mektebi 1340 [1924] senesi Hilâl-i Ahmer Meclis-i Umûmîsi bir hastabakıcı mektebi küşâdına karâr vermiş ve geçen sene bu mektebin taʻlîmâtnâmesi ihzâr edilmiş idi. Tâlibâtın tatbîkât-ı ameliye görecekleri hastahânelere yakın ve şerâit-i matlûbeyi hâiz Haseki Câddesi'nde bir binâ mekteb ittihâz edilmek üzere istîcâr edilerek îcâb eden taʻmîrât ve tefrîşât ikmâl edilmişdir. Mektebe alınacak tâlibât için matbûʻâtla şerâit-i kabûl iʻlân edildikden sonra 36 hanım mürâ- caʻat etmiş ve bunlardan ancak on biri kabûl edilmiş idi. Ahîren merkez-i umûmînin tensîb ve muvâ- fakatıyla dârüleytâmlardan on beş talebe daha kabûl edildi ve bu sûretle tâlibâtın adedi 26'ya bâliğ oldu. Tecrübe devresi 21 Mayıs [1]341 [1925] târîhinde hitâm bulacak ve bu târîhden iʻtibâren mun- tazam tedrîsâta başlanacakdır.