HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 45 2122 [348] Hilâl-i Ahmer'e muʻâvenetde bulunan İstanbul'da 18'inci Saliha Hatun Mektebi ikinci sınıf talebesi Groupe représentant les élèves de la 2me. classe de lʼécole Salihé Hatoun de Constantinople qui ont versé leurs économies au Croissant-Rouge İhzâr olunan programa nazaran ilk sene-i tedrîsiyede teşrîh-i fisyoloji, kimyâ, hikmet, nazarî ve amelî hasta bakım usûlü, diyet, hastabakıcılık usûl ve muʻâşereti, umûr-ı beytiye tedrîs ve taʻlîm edilecekdir. Dürûs-ı mezkûrenin yekûnu bir senede iki yüz seksen beşe bâliğ olmakdadır. Her ders bir sâʻat bir çâryek devâm edecekdir. Tâlibât 10 Mart [1]341 [1925] târîhinden iʻtibâren muntazaman Gurebâ, Haseki, Cerrahpaşa Hastahânelerine devâm etmekde ve bunların kısm-ı aʻzamı tahsîle büyük bir arzu ve hâhiş göstermekdedir. Tâlibâtın müdâvim bulundukları hastahâneler etıbbâsı iyi ümîdler beslediklerini kemâl-i mem- nûniyetle kaydederiz. _______________ Hilâl-i Ahmer Kongresi Hilâl-i Ahmer Cemʻiyeti kongresinin şehr-i Haziran evâhirinde inʻikâdı musammem ve kongre- ye dâhil olacak aʻzânın âidât-ı seneviyelerini tamâmen îfâ etmiş olmaları nizâmnâme-i esâsînin yirmi birinci mâddesinde musarrah olduğundan âidât-ı seneviyelerini henüz tesviye etmemiş olan aʻzâ-yı kirâmın âidât-ı mezkûreyi hemen îfâ buyurmaları ricâ olunur. _______________ Teberruʻ-ı Âlî-cenâbâne Yenişehir muhâcirlerinden Mehmed Hacı Matu Bey fukarâ-yı muhtâcîne muʻâvenet maksadıy- la Hilâl-i Ahmer Gazetesi 'nin bayramda intişâr eden ilk nüshasını yüz lira mukâbilinde satın almışdır.