HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2177 Perihan Hanım Doktor İsmail Bey Melâhat Hanım İrfan Bey İsmet Hanım Vasfi Efendi Turhan Hanım Kâmil Bey Hayriye Hanım Hayri Bey Bedriye Hanım Mehmed Efendi Mehpare Hanım Cebbar Efendi Nezihe Hanım Osman Efendi Kastamonu Hilâl-i Ahmer Meclis-i Umûmîsi Şubat'ın yirmi birinci günü dâire-i hükûmetde ictimâʻ eden Kastamonu Vilâyeti Meclis-i Umûmîsi âtîdeki mukarrerâtı ittihâz etmişdir: 1-Meclis riyâset-i evvelliğine Vâlî Fatin Beyefendi, reîs-i sânîliklerine Şeyh Ziyaeddin ve Sıh- hiye Müdürü Said Beyefendileri intihâb ederek kongre küşâd olunmuş ve bir senelik icrââtı hâvî heyʼet-i merkeziye raporu kırâat ve bazı münâkaşâtdan sonra tasvîb edilmişdir. 2-Heyʼet-i merkeziye tarafından tevdîʻ edilen senelik bilanço reʼy-i iş[ʻâ]rî ile intihâb edilen en- cümen aʻzâsından Hüseyin Sabri ve Muhâsebe-i Vilâyet Başkâtibi İsmail Hakkı ve Nâfiʻa Başkâtibi Zühdü Beyler tarafından tedkîk ve heyʼet-i umûmiye nâmına tasdîk olunmuşdur. 3-Heyʼet-i merkeziyenin müttefikan vâkiʻ olan istiʻfâları kabûl olunarak yeniden reʼy-i hafî ile âtîde esâmîsi muharrer on iki zât heyʼet-i merkeziyeye intihâb edilmişdir. 4-Her sene İstanbul'da ictimâʻı mukarrer olan Hilâl-i Ahmer Umûmî Kongresi'ne Kastamonu Hilâl-i Ahmeri'ni temsîl etmek üzere geçen sene intihâb edilen Abidin Bey'in bu sene de murahhaslığı müttefikan kabûl edilmişdir. Kastamonu Heyʼet-i Merkeziyesi Sıhhiye Müdürü Said Bey, Şeyh Ziyaeddin Efendi, Doktor Ferid Bey, Açıksöz Müdürü Hüsnü Bey, Doktor Tevfik Arslan Bey, Doktor Kemal Bey, Çoruhzâde Hilmi Bey, encümen aʻzâsından Sabri Bey, Sıhhiye Kâtibi Cemal Efendi, Paçacızâde Muhyiddin Efendi, Reşid Beyefendi, Doktor Fazıl Emin Bey. Zevât-ı mûmâileyhim arasında reʼy-i hafî ile icrâ [385] edilen intihâbda heyʼet-i idâre şu sûretle teşekkül etmişdir: Şeyh Ziyaeddin Efendi riyâset-i ûlâya, Doktor Said Bey riyâset-i sâniyeye, Mülkiye Hastahâ- nesi Sertabîbi Doktor Ferid Bey veznedârlığa, Doktor Tevfik Arslan Bey veznedâr muʻâvinliğine ve Sıhhiye Kâtibi Cemal Bey kitâbete. İşbu intihâbât merkez-i umûmînin 7 Haziran [1]341 [1925] celsesinde tasdîk edilmişdir. _______________