HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2179 Kutsoğlu Birâderler Ticârethânesi'nin Teberruʻu Merkez-i idâresi İstanbul'da bulunan Kutsoğlu Birâderler nâm tütün ticârethânesi sûreti aşağıya derc etdiğimiz mektûbla cemʻiyetimize beş yüz lira teberruʻ etmişdir: "-Altı aydan beri muhterem Türkiye memleketinde tütün ticâretiyle iştigâl ve Türk Hükûmet-i Cumhûriyesi'nden gördüğü muʻâvenet ve teshîlât-ı himâyetkârîden dolayı fevkalâde müteşekkir ve minnetdâr kalmış bulunan nâçîz müessesemiz gâye-i âliye ve mübeccelesi, hürriyet ve istikâl-i millî- si uğrunda müftehirâne fedâ-yı hayât etmiş olan şühedânın evlâd ü ıyâlini terfîh ve [386] gûnâgûn mesâibe giriftâr olan azîz Türkiye'nin istikmâl-i maʻmûriyet ve saʻâdetine masrûf bulunan muhterem Hilâl-i Ahmer Cemʻiyeti'ne ve işbu cemʻiyet-i muhteremenin vâlid-i mukaddes ve aslîsi bulunan mübeccel ve azîz Türk memleketine karşı bütün urûk ve aʻsâbımızda âteşîn bir seyyâle ile cereyân etmekde ebediyen devâm edeceğine kâniʻ bulunduğumuz hiss-i minnet ü şükrânın nâçîz bir ifâde-i teblîğiyesi makâmında olmak üzere müessese-i muhteremelerine beş yüz lira takdîmine cürʼetyâb ol- duğumuzdan lütfen kabûl ve melfûfen mütekaddim çekin âid olduğu bankadan alınmasına müsâʻade buyurularak müessesemizi bu sûretle ihyâ buyurmalarını maʻa'l-ihtirâm istirhâm eyleriz, efendim". Mecmûʻa, Kutsoğlu Müessesesi sâhiblerine bu âlî-cenâbâne teberruʻdan dolayı şükrânlarını takdîm eyler. _______________ [1]340 [1924] senesi şehr-i Temmuz ayından şehr-i Kânûn-ı Evvel gâyesine kadar Adana Hilâl-i Ahmer Dispanseri'ne mürâcaʻatla tedâvîleri icrâ kılınan hastagân ve emrâz-ı mütenevviʻala- rını gösterir cedveldir. Müslim - Esâmî-i Emrâz Zükûr İnâs Yekûn Emrâz-ı cihâz-ı hazmî 646 574 1.220 Emrâz-ı cihâz-ı teneffüsî 213 231 444 Emrâz-ı cihâz-ı üzniye 139 126 265 Emrâz-ı cihâz-ı kebediye 34 41 75 Emrâz-ı cihâz-ı rahmiye - 627 627 Emrâz-ı cihâz-ı asabiye 24 27 51 Emrâz-ı cihâz-ı cildiye 732 574 1.306 Malarya 1.957 906 2.863 Zaʻf ve fakrü'd-dem 890 1.020 1.910 Sillürriʼe 24 22 46 Cereb 81 74 155 Hurkatü'l-bevl 37 146 183 Dizanteri 439 369 808 Romatizm[a] 143 159 302 İshâl-i müntin 655 600 1.255 Cerh-i kurûh 329 144 473 Trahom 819 760 1.579 Emrâz-ı sâire-i mütenevviʻa 271 257 528 Yekûn 7.433 6.657 14.090