HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2181 Hilâl-i Ahmer Meclis-i Umûmîsi Temmuz'un On Yedinci Cuma Günü İctimâʻa Daʻvet Edilmişdir. _______________ ON İKİNCİ BEYNELMİLEL SALÎB-İ AHMER KONFERANSI Teşrîn-i evvel'in ilk günlerinde ictimâʻı mukarrer olan On İkinci Salîb-i Ahmer Konferansı'nın rûznâme-i mesâʻîsini teşkîl eden mevâd ber-vech-i âtîdir: BİRİNCİ KISIM Umûmî Raporlar a-Beynelmilel Cenevre Merkez Komitesi'nin, idâre etdiği nükûd-ı mevkûfeye âid raporu. 1923-1925 seneleri icrââtıyla 11'inci Salîb-i Ahmer Konferansı tarafından tevdîʻ edilen vezâif hakkında Beynelmilel Cenevre Komitesi raporu. b-Âtîdeki tertîb dâhilinde Salîb-i Ahmer Heyʼât-ı Merkeziyesi'nin 1923-1925 seneleri icrâât ve mesâʻîsine âid raporları -1- Harb veya Akîb-i Harb Faʻâliyeti a-Orduda ve ordu gerisinde b-Makâmât-ı askeriye ile münâsebât c-Harb-i dâhilî esnâsındaki faʻâliyet d-Muhâcirlere âid Salîb-i Ahmerler faʻâliyeti -2- Sulh Faʻâliyeti a-Arâzî-i milliyede b-Beynelmilel sâhada (Bilhâssa âfât ve mesâib-i umûmiyeye dûçâr olan milletlere muʻâvenet) İKİNCİ KISIM Sûret-i Mahsûsâda İhzâr Edilen Raporlar Beynelmilel Komite'nin Teklîfâtı: 1-Sıhhiye tayyârelerinin bî-taraflığı; 11'inci konferansa bu bâbda Fransa Hükûmeti tarafından vukûʻ bulan teklîfi hâvî rapor 2-Âlât ve levâzım-ı sıhhiyenin yeknesaklığı a-Sedyeler b-Mecrûhîn kartları c-Harb paketleri