HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2182 d-Kimyâ harbi ve netâyici e-Harb zamânındaki gâiblerin mikdârını tenkîse hâdim tedâbîr hakkında tedkîkât f-Muhâcirîne muʻâvenât-ı husûsiye olarak masrûf olan mesâʻînin tanzîmi -3- Salib ve Hilâl-i Ahmer Merkez-i Umûmîlerine Teklîfâtı 12'nci Salîb-i Ahmer Konferansı'nın nazar-ı tedkîkine vazʻ edilecek mesâile âid teklîfâtın 1 Ey- lül [388] 1925 târîhinden evvel Beynelmilel Salîb-i Ahmer Komitesi'ne irsâli îcâb eder. ÜÇÜNCÜ KISIM Beynelmilel Salîb-i Ahmer Teşkîlâtı _______________ SALÎB-İ AHMERLER HAVÂDİSİ İtalya Salîb-i Ahmeri İtalya Salîb-i Ahmer Cemʻiyeti Müdür-i Umûmîsi Müderris Mîralây Baduel cenâblarının mîr- livâlığa terfîʻ etdiğini istihbâr ediyoruz. İtalya Salîb-i Ahmer Cemʻiyeti'nin son zamânlardaki terakkî ve inkişâfında pek büyük bir âmil vazîfesini îfâ etmiş olan müderris-i mûmâileyhi tebrîk ve vezâif-i mühimmesinde devâm-ı muvaffa- kiyetini temennî eyleriz. _______________ San Salvador Cumhûriyeti Salîb-i Ahmeri San Salvador Cumhûriyeti Salîb-i Ahmeri'nin Salîb-i Ahmerler âilesine resmen kabûl edildiği Cenevre Merkez Komitesi'nden merkez-i umûmîmize vârid olan tahrîrât-ı umûmiyede bildiriliyor. Hemşîre cemʻiyete mesâʻîsinde muvaffakiyet temennî ederiz. _______________ Harb-i Umûmî'de Amerika Salîb-i Ahmeri'nin Sermâyesi Harb-i Umûmî'de Amerika Salîb-i Ahmeri'nin sermâyesi dört yüz milyon (400.000.000) dolara bâliğ olmuşdur. Bu mühim yekûnun 42 milyonu aʻzâ âidât-ı seneviyesinden, 283 milyon doları iki defada cemʻ edilen iʻânâtdan ve mütebâkîsi muhtelif menâbiʻ-i vâridâtdan tahassul etmişdir. Amerika Salîb-i Ahmeri, Harb-i Umûmî esnâsında 3.724 merkeze ve 17.186 şuʻbeye mâlik bulunmakda iken el-yevm 3.500 merkezi vardır. 1923 senesindeki aʻzâ mikdârı 20 milyon ve Gençlik Salîb-i Ahmer aʻzâsı 11 milyondur. _______________