HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2183 İzlanda Salîb-i Ahmeri 10 Kânûn-ı Evvel 1924 târîhinde teşekkül eden İzlanda Salîb-i Ahmeri geçen 9 Nisan'da Bey- nelmilel Salîb-i Ahmer Komitesi tarafından resmen tasdîk edilmişdir. _______________ Alman Salîb-i Ahmeri Harb-i Umûmî'den evvel Almanya'da hıfzıssıhha-i umûmiye ve emrâz ve âfât-ı ictimâʻiye ile mücâdele teşkîlâtı Dâhiliye Nezâreti tarafından idâre edilmekde iken el-yevm Alman Salîb-i Ahmeri bu teşkîlâtla samîmî bir tarzda teşrîk-i mesâʻî eylemekdedir. Alman Salîb-i Ahmeri'nin başlıca sâha-i faʻâliyeti şunlardır: 1-İlk imdâd ve muʻâvenet, hasta nakli ve hastalara yapılacak ihtimâm 2-Emrâz ve âfât-ı ictimâʻiye ile mücâdele 3-Himâye-i sıhhat _______________ Yunan Salîb-i Ahmeri Yunan Salîb-i Ahmer Merkez-i Umûmîsi münhasıran halk konferansları ile meşgûl olmak üzere bir komisyon teşkîl etmişdir. Tercîhen kalabalık mahallelerde ve amele cemʻiyetleri [389] kulüblerinde verilecek bu konfe- ranslarda umûmî hıfzıssıhha ile hıfzıssıhha-i sınâʻî mevzûʻ olacakdır. Konferanslar, halkın anlayabileceği sâde bir lisânla tertîb ve tabʻ ve meccânen veya cüzʼî bir meblağ mukâbilinde tevzîʻ edilecekdir. _______________ Norveç Norveç Verem Millî Mücâdele Cemʻiyeti vereme müstaʻid etfâli beş kısma ayırmakdadır: 1-Ebeveyninde hafîf verem âsârı müşâhede edilen çocuklar. Sanatoryumlara sevk olunan bu çocuklardan ekserîsinin sıhhatleri mükemmeldir. 2-Ebeveyninde vahîm verem aʻrâzı görülmesi üzerine hastahânelerde tedâvî edilen etfâl. Bun- larda umûmiyetle verem aʻrâzı tahakkuk etmekdedir. 3-Ebeveyni veremden vefât eden ve birçok zamân sirâyet-i maraz tehlikesine maʻrûz kalmış olan etfâl 4-Henüz tamâmen şifâyâb olmayan ve fakat bir hastahâne veya sanatoryumda bir müddet kal- dıkdan sonra evlerine iʻâde edilmeyerek tedâvîlerini ikmâl etmek üzere muvakkaten cemʻiyete sevk olunan çocuklar 5-Veremli âilelerin henüz meme emen çocukları _______________