HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 47 2208 reti şâyân-ı tercîhdir. Birçok insânların bitli mıntıka ve eşhâsa temâs etdikleri hâlde sırf bu takayyüd dolayısıyla bitlenmedikleri maʻlûmdur. Hattâ bu gibilerin üzerlerine müsâfereten gelen bir-iki bite karşı fevkalâde hassâs davranarak çamaşır değiştirmek, hammâm yapmak gibi serîʻ tedbîrler ile tu- feylin üremesine mâniʻ olmaları halkın ekseriyeti için numûne-i imtisâl olmalıdır. Bit gelmemesi için kollara bilezik ve bele kuşak şeklinde cıva merhemi tılâsı veya naftalin gibi kokulu mevâd, muzâdd-ı taʻaffün keseleri taşımak bîhûde bir işdir. Bu tufeylin bu gibi mevâniʻe karşı tarz-ı hareketi eşhâsı bitlenmekden kurtaramamış olduğunu vekâyiʻ göstermişdir. Bit, ibtidâî hayâtın bir işâret ve remzidir. Hayât-ı medeniyedeki insânlar bu haşereyi tanımazlar. Daha doğrusu medeniyetin teşekkülât-ı ictimâʻiye ve harsiyesi bu tufeylin vücûd-ı beşerdeki neşv ü nemâ ve tekessürünü ifnâ ederek beşeri- yeti sultasından kurtarmışdır, diyebiliriz. Bâ-husûs bu asrın bidâyetinde tufeylin lekeli hummâ gibi mühlik bir âfeti de nakletdiği anla- şıldıkdan sonra beşeriyete hayât, âfiyet ve bi'n-netîce refâh u saʻâdet vermekle mükellef olan hıfz-ı sıhhat kavâʻidi her ne pahâsına olursa olsun, mücâdeleyi âmirdir. Cumhûriyet sıhhî umdeleri meyânına bit mücâdelesini de idhâl eder ve Anadolu halkını kısa bir zamânda bitden de kurtarırsa pek büyük bir zafer kazanmış olacakdır. Bunun içindir ki, cumhûriye- tin fezâil ve ilhâmâtının bitsiz dimâğ ve kalblere daha kolaylıkla nüfûz edeceğine, genç neslin daha şuʻûrlu, daha hassâs ve çok azimkâr olacağına şübhe etmiyor ve bit mücâdelesinin bütün muʻallim, mürebbi ve ictimâʻiyûnun hayât-ı ictimâʻiyedeki en mühim vazîfelerinden birisi olduğuna kâniʻ bu- lunuyoruz. _______________ [404] HİLÂL-İ AHMER CEMʻİYETİNİN SIHHÎ-İ İCTİMÂʻÎ HİZMETİ Küçük Çocuklara Muʻâveneti Hilâl-i Ahmer Cemʻiyeti çocukların yalnız meme zamânında değil, memeden kesildikden sonra da fakr u zarûret ve hıfzıssıhhate adem-i riʻâyet dolayısıyla telef olduklarını nazar-ı dikkate alarak 1 Ağustos 1923 târîhinden iʻtibâren hanımlar merkezinde sıhhî ve ictimâʻî bir muʻâvenet teşkîlâtı mey- dâna getirmiş ve Türk nüfûs siyâsetinde büyük bir hatve atmışdır. Hilâl-i Ahmer Cemʻiyeti Hanımlar Merkezi'nde mukayyed bir yaşını ikmâl eden ve meme- den kesilen çocuklarla zaʻîf ve hastalıkları olanlar her hafta Çarşamba günleri vâlideleri tarafından getirilmekde ve muʻâyene netîcesi sıkletlerine ve derece-i hazmiyelerine göre kendilerine münâsib yiyecekler verilmekde ve hasta olanları tedâvî ve sûret-i münâsibede iğdâ olunmakdadır. Her çocu- ğun kendine mahsûs hüviyet varakası, sıhhat cüzdânı olduğu gibi ismi, adresi, âilesinin vazʻiyet-i ictimâʻiyesi ayrı ayrı ana defterinde mukayyeddir. Getirilen çocukların muʻâyenesiyle yalnız neşv ü nemâları, sıhhatleri taʻkîb olunmayıp ziyâretçi hastabakıcılar vâsıtasıyla da çocukların bulundukları âilelerin, evlerin şerâit-i ictimâʻiye ve sıhhiyeleri tedkîk ve sıhhate muzır görülen ahvâl hakkında lâzım gelen vesâyâ ve icrââtda bulunulmakdadır. Hilâl-i Ahmer Cemʻiyeti bu sıhhî ve ictimâʻî hizmetiyle Salîb-i Ahmerlerin sulh zamânı vezâi- fine dâir Beynelmilel Salîb-i Ahmer Konferansları mukarrerâtına da tevfîk-i hareket etmiş bulunuyor. Hilâl-i Ahmer Cemʻiyeti küçük bir yaşda, daha tamâmen meme çağında olup birçok esbâbdan