HİLÂL-İ AHMER MECMÛʻALARI / CİLT 5

Türkiye Hılâl-ı Ahmer Mecmû‘ası Sayı 47 2209 dolayı tamâmen veya kısmen vâlide sütünden mahrûm Türk ve Müslümân çocuklarına mahsûs olmak üzere Vezneciler'de dârülfünûn karşısında Fransız Salîb-i Ahmeri Madamlar Cemʻiyeti tarafından teʼsîs olunup hemen bir buçuk sene bu yolda hidemât-ı sıhhiyede bulunan Süt Damlası'nın bütün malzemesiyle Himâye-i Etfâl Cemʻiyeti'ne devir ve teslîminden beri ve daha bir müddet evvel burada bir yaşına kadar muʻakkim sütle irzâʻdan sonra çıkarılan çocukların ve hâricden fakr u zarûret do- layısıyla mürâcaʻat edenlerin fennî bir sûretde infâkı husûsunda büyük bir hizmet îfâ eylemekdedir. Hilâl-i Ahmer Cemʻiyeti bu muʻâvenetiyle Hilâl ve Salîb-i Ahmerlerin diğer cemʻiyât-ı hayriye ile münâsebâtına ve umûr-ı hayriyede bir vahdet teşkîline dâir 1921 senesinde Cenevre'de inʻikâd eden Beynelmilel Salîb-i Ahmer Konfera[nsı] mukarrerâtına tevfîk-i hareket etmişdir. Hilâl-i Ahmer Cemʻiyeti'nin vefeyât-ı etfâle karşı etdiği mücâdelede hizmet-i vataniyenin ehemmiyetini ibrâz için 1 Ağustos 1923 senesinden bugüne kadar tutulan istatistiği arz ediyoruz: Bu çocukların infâk u iʻâşesinden mâʻadâ senede iki defa da merâsim-i mahsûsa ile elbise ve çamaşır tevzîʻ eylemekdedir. Beyânâtımıza nihâyet vermezden evvel Hilâl-i Ahmer Cemʻiyeti tarafından meydâna getirilen sıhhî ve ictimâʻî bu teşkîlâtda daha bidâyetden beri muvaffakiyeti teʼmîn ile fahrî îfâ-yı vazîfe eden Doktor Safiye Ali ve Hastabakıcı Vesile Hanımlara Türk ve Müslümân çocukları nâmına alenen te- şekkürü vazîfe biliriz. Müesseseye bidâyet-i teşekkülünden bugüne kadar 3.650 çocuk kaydedilmiş, 10.082 kutu süt, 2.585 paket pirinç unu, 74 kilo irmik, 57 kilo şeker, 48 kilo pirinç, 48 kilo tel şaʻriye, 48 kilo makar- na, 30 kilo yulaf unu, 30 kilo mısır unu, 27 kıyye sabun tevzîʻ etmiş, [405] Hastalanan 361 çocuğu tedâvî edip ilâclarını vermiş ve ilâc bedeli olarak 7.060 kuruş sarf etmiş, 105 çocuk ziyâretçi hasta- bakıcılar tarafından evlerinde takayyüd altında bulundurulmuş, 20 çocuk hastahâneye yatırılmış, 120 çocuk sütden kesilmişdir. 110 çocuğa el-yevm süt ve erzâk verilmekdedir. 125 çocuğa kış ve bayram münâsebeti[y]le elbise ve çamaşır tevzîʻ edilmiş, 25 küçük yavruya kundak tedârük edilmişdir. 9.360 çocuk tartılarak neşv ü nemâları taʻkîb edilmişdir. Doktor Besim Ömer HİLÂL-İ AHMER HAVÂDİSİ Hilâl-i Ahmer'in Tebrîkâtı Kurbân Bayramı münâsebetiyle Hilâl-i Ahmer Merkez-i Umûmîsi'nden reîsicumhûr hazretleri- ne ve Başvekîl İsmet Paşa'ya âtîdeki telgrafnâmeler keşîde edilmişdir: "-Hilâl-i Ahmer'in Hâmî-i Müfahhamı Reîsicumhûr Gâzî Mustafa Kemal Paşa hazretlerine, Şeref-hulûl eden Kurbân Bayramı münâsebetiyle Hilâl-i Ahmer Merkez-i Umûmîsi en hâr tebrîkâtını zât-ı fahîmânelerine kemâl-i taʻzîm ile arz eyler. Hilâl-i Ahmer Cemʻiyeti Reîs-i Sânîsi Âkil Muhtar" ***