HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 47 2214 46 Binbaşı Doktor Akif Bey Çankırı Merkezi 47 Operatör Orhan Abdi Bey Manisa Merkezi 48 Mehmed Nuri Bey Manisa Merkezi 49 Doktor Ahmed Süheyl Bey Kütahya Merkezi 50 Hacı Edhem Bey Bursa Merkezi 51 Hâfız Emin Efendi Silifke Merkezi 52 Raşid Bey Silifke Merkezi 53 Halşikzâde Doktor Hikmet Bey Malatya Merkezi 54 Alemdârzâde Hâfız Aziz Efendi Samsun Merkezi 55 Yelkencizâde Lütfi Bey Samsun Merkezi 56 Hacızâde Süleyman Bey Rize Merkezi _______________ Eskişehir Hilâl-i Ahmer Anbârı Geçen sene Hilâl-i Ahmer Meclis-i Umûmîsince ızhâr edilen arzu üzerine Eskişehir'de bir depo inşâsıyla İstanbul anbârlarımızda mevcûd eşyâdan mikdâr-ı münâsibinin oraya nakli heyʼet-i merke- ziyece karârgîr olarak on iki bin liralık bir tahsîsât iʻtâ edilmiş idi. Ahîren İstanbul'da yalnız ihtiyâcât-ı âcileye kifâyet edecek kadar eşyâ bırakılarak bakıyyesinin tamâmen Eskişehir'e nakli teemmül edilmesi üzerine derdest-i inşâ bulunan anbârın bu ihtiyâc dâire- sinde taʻdîl ve tevsîʻi karârgîr olmuş ve evvelce verilen inşâât tahsîsâtı otuz bin liraya iblâğ edilmişdir. İnşâât, tevârîh-i muhtelifede merkez-i umûmî aʻzâsından Hakkı Şinasi Paşa, Celâl Muhtar Bey, İsmail Besim Paşa ve Doktor Galib Hakkı Bey taraflarından teftîş edilmiş ve hitâm-ı inşâât kuvve-i karîbeye gelmişdir. Anbârın Eskişehir'e bir kör hat ile rabtı lâzım geldiğinden bunun için muktezî tahsîsât dahi iʻtâ edilmişdir. _______________ [408] Kastamonu Hilâl-i Ahmer Heyʼet-i Merkeziyesi Heyʼet-i idârece tedkîk edilmiş olan Kastamonu Merkezi mazbata-i intihâbiyesi usûlüne muvâ- fık olduğundan fî 7 Haziran [1]341 [1925] târîhinde münʻakid merkez-i umûmîce kabûl ve tasdîk edilmişdir. _______________ Hilâl-i Ahmer Hastabakıcı Mektebi 21 Şubat [1]341 [1925] târîhinde açılan Hilâl-i Ahmer Hastabakıcı Mektebi tâlibâtından esâmî- si âtîde muharrer on yedi hanım üç ay devâm eden tecrübe devresini kemâl-i muvaffakiyetle ikmâl etdiklerinden ahîren sûret-i katʻiyede mektebe kabûlleri takarrür etmişdir.