HİLÂL-İ AHMER MECMÛʻALARI / CİLT 5

Türkiye Hılâl-ı Ahmer Mecmû‘ası Sayı 47 2215 Nimet Halil Hanım Fatma Kasım Hanım Vâhide Hamid Hanım Fatma Osman Hanım Ayşe Mustafa Hanım Fehime Abdullah Hanım Şükûfe Abdullah Hanım İsmet Mehmed Hanım Fatma Abdurrahman Hanım Mürüvvet Süleyman Hanım Adalet İbrahim Hanım Vesile Ahmed Hanım Hatice İsmail Hakkı Hanım Feride Kâzım Hanım Naciye Hüdaverdi Hanım Hayriye Mehmed Hanım Nedime Hasan Hanım - Doktor Zeki Nâsır Bey Rockefeller Müessesesi ahîren hıfzıssıhha-i ictimâʻî tahsîl ve tetebbuʻunda bulunmak üzere bir tabîbin müesseselerine kabûl edileceğini Tıb Fakültesi riyâsetine bildirmişdi. Fakülte erkân-ı tahrî- riyemizden "İctimâʻî Hıfzıssıhha" makâlâtı muharriri Doktor Zeki Nâsır Bey'i intihâb etmiş oldu- ğundan muʻâvenet-i kalemiyesiyle mecmûʻamızın bâʻis-i şeref ve iftihârı olan kıymetli arkadâşımız yakında İstanbul'u terk etmiş bulunacakdır. Doktor Zeki Nâsır Bey, Harb-i Umûmî'de Kafkas Cebhesi Hilâl-i Ahmer Heyʼeti'ne dâhil ola- rak Erzurum, Sivas ve baʻdehû Samsun hastahânelerinde hidemât-ı güzîdesiyle kendini tanıtdırmış ve alâmet-i mahsûsalı bir kıtʻa gümüş Hilâl-i Ahmer Madalyası'yla taltîf edilmiş idi. Zeki Bey, İstiklâl Mücâdelesi'nde Konya'yı merkez ittihâz eden Hilâl-i Ahmer Yedinci İmdâd-ı Sıhhî Heyʼeti Sertabâbeti'nde ve bilâhare riyâsetinde uzun müddet bulunmuş ve hidemât-ı mesbûkası ayrıca İstiklâl Madalyası'yla da taltîfini mûcib olmuşdur. Doktor Zeki Nâsır, [1]339 [1923] senesinde agrejasyon müsâbakasını geçirerek Tıb Fakültesi Serîriyât-ı Tıbbiye agrejesi intihâb edilmiş idi. Hilâl-i Ahmer âilesi aʻzâ-yı âmilesinden olan sevimli arkadaşımızın kemâ fi's-sâbık makâlâtına devâm edeceğini kârilerimize şimdiden tebşîr edebiliriz. Bu münâsebetle Rockefeller Müessesesi'nin 1924 senesine kadar îfâ etdiği cihân-şümûl muʻâ- venet hakkında elde etdiğimiz maʻlûmâtı kârilerimize takdîm ediyoruz: Bu muʻâvenetin bâliğ olduğu yekûn 92.476.937 [409] dolardır. Rockefeller Müessesesi işbu yekûnden: İctimâʻî hıfzıssıhha için 24.559.057 dolar Tıbbî tedrîsât için 32.852.852 dolar Harb muʻâveneti için 22.298.541 dolar Diğer menâfiʻ-i beşeriyeye hâdim mesâʻî için 11.302.262 dolar Masârıf-ı idâre için 1.464.224 dolar tefrîk edilmişdir. Müessese sene be-sene vâridâtını bütün bu gibi mesâʻî ve hasenâta sarf etdiği hâlde reʼsülmâle 17.500.000 dolar gibi bir meblağ da ilâve etmişdir.