HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 47 2222 Belçika Salîb-i Ahmer Merkez-i Umûmîsi geçen Nisan'ın üçünde Brüksel'de ictimâʻ etmiş- dir. Meclis-i umûmîye takdîm edilen idârî ve mâlî raporlardan Belçika Salîb-i Ahmeri'nin memnûni- yet-bahş bir tarzda inkişâf etmekde olduğu ve aʻzâsının muttariden tezâyüd etdiği ve Gençlik Salîb-i Ahmeri'ne iltihâk eden mekteblerin adedi de lâ-yenkatıʻ ziyâdeleşdiği anlaşılmakdadır. _______________ Viyana'da Hıfzıssıhha Sergisi Viyana'da hıfzıssıhha sergisi 28 Nisan'da Avusturya cumhûrreîsinin huzûruyla küşâd edilmiş- dir. Reîs-i müşârunileyh hazretleri Salîb-i Ahmer Cemʻiyetlerinin irsâl etdikleri malzeme-i sıhhiyeyi büyük bir alâka ile tedkîk etmişdir. Resm-i küşâdı taʻkîb eden Pazar günü yirmi bin dühûliye bileti verilmişdir. Amerika Ahîren intişâr eden bir is[tatis]tikden anlaşıldığına göre Amerika Salîb-i Ahmeri 41.000 kadın hastabakıcıya mâlik olup bunlardan 28.000'inin esâmîsi hidemât-ı fiʻliye cedvellerine dâhil bulun- makdadır. [414] Amerika'nın en mühim sigorta şirketlerinden birinin fihrist-i mesâʻîsinde sigorta edilen 15.000.000 kişi arasında aded-i vefeyât 1924 senesine nisbetle yüzde beş tenâkus etdiği ve 1923 se- nesine âid nisbet-i vefeyât ise 1922 senesininkine nazaran daha az olduğu iʻlân edilmekdedir. Şirket bu muvaffakiyeti ziyâretçi hastabakıcılar teşkîlâtına atf eylemekdedir. _______________ Hastahânelerin îfâ etdikleri hidemâtı her ferdin yâd u tebcîl etmesi maksadıyla Florence Nigh- tingale'in yevm-i tevellüdü olan Mayıs'ın on ikinci günü "Hastahâneler Yevm-i Millîsi" nâmıyla bir yevm-i mahsûs olarak kabûl edilmişdir. Hastahânelerin vezâifini, ihtiyâcâtını ve îfâ etdiği hidemâtın derece-i ehemmiyetini bilâ-istisnâ herkesin bilip takdîr etmesini teʼmînen hastahâne yevm-i millîsinin teşekkülünden evvel matbûʻât vâsıtasıyla vâsiʻ mikyâsda neşriyât yapılmış, iʻlânât taʻlîk edilmiş ve sinema projektörleri gösteril- mişdir. Bundan mâʻadâ sûret-i mahsûsada ihzâr edilen menâzır mağaza camekânlarında teşhîr ve kili- selerde teşvîkât icrâ edilmişdir. Mekteblerde hastabakıcılık mesleğine dâir konferanslar verilmiş ve aynı zamânda mevzûʻ hak- kında talebe arasında müsâbakalar tertîb olunmuş ve birçok hastahânelerin ve hastabakıcı yurdlarının kapıları umûm halka küşâd edilmiş, ve'l-hâsıl halkın merâkını îkâz etmek için her vâsıtaya mürâcaʻat olunmuşdur. *** Harb-i Umûmî esnâsında Salîb-i Ahmer aʻzâsının îfâ etdiği hidemâtın bir hâtıra-i şükrânı olmak üzere 1919 senesinde Washington'da Salîb-i Ahmer Merkez-i Umûmîsi'nde teʼsîs edilen müzenin resm-i küşâdı icrâ edilmişdi. Zâten pek zengin ve mükemmel olan bu müze her gün bir kat daha peydâ-yı servet etmekdedir. 1924 senesinde müzeyi ziyâret edenlerin mikdârı 60.000'dir.