HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2247 Reîs: "-Efendim, icrâ kılınan intihâb netîcesinde Konya Mebʻûsu Refik Beyefendi yüz sekiz reʼy ile reîs-i evvelliğe, Refik İsmail Beyefendi yüz sekiz, Nakiye Hanımefendi de yüz altı reʼy ile reîs-i sânîliklere intihâb kılınmışlardır". (Refik Bey, riyâset mevkiʻine geçdi.) Reîs Refik Bey (Konya): "-Meclis-i umûmînizin riyâsete intihâbımız dolayısıyla ızhâr buyur- duğu iʻtimâda bilhâssa arz-ı teşekkür ederiz ve heyʼet-i muhteremelerini hürmetle selâmlarız. (Alkış- lar) Tevdîʻ buyurduğunuz vazîfenin ehemmiyetini tamâmıyla müdrikiz. Çok kıymetli olan iʻtimâd ve muzâheretinizden her vakit istifâde edeceğimizi kuvvetle ümîd etmekdeyiz. Heyʼet-i celîlelerince maʻlûmdur ki, Hilâl-i Ahmer târîh-i teşekkülünden iʻtibâren memleketimizde hakîkî bir şefkat ocağı hâlinde mesâib-i harb münâsebetiyle memleketin her köşesine dest-i şefkati uzatarak âlâm u ıztırâbâtı tehvîne saʻy etmişdir. Bugün burada huzûrunuzda okunacak olan cemʻiyetimizin bir senelik mesâʻî ve icrâât programını istimâʻ buyuracak, tedkîk edecek ve ona göre müfîd mütâlaʻâtla cemʻiyetin mesâʻîsini daha esâslı ve daha kuvvetli bir sûretde îfâ etmesini teʼmîn edeceksiniz. Müzâkerâtın büyük bir alâka ile karşılanmasını temennî ederek müteyemminen vazîfeme baş- lıyorum, efendim. (Alkışlar) Rûznâmenin üçüncü mâddesinde merkez-i umûmînin icrâât raporunun kırâatı vardır. Müsâʻade buyurursanız ondan evvel İstanbul Mebʻûsu, merkez-i umûmî aʻzâsından Hakkı Şinasi Paşa hazretleri tarafından verilmiş iki takrîr vardır, onları okuyacağım: Türkiye Hilâl-i Ahmer Cemʻiyeti Meclis-i Umûmîsi Riyâseti'ne, Cemʻiyetimiz hâmî-i müfahhamı Reîsicumhûr Gâzî Paşa hazretlerine meclisimizin inʻikâdını ve bu vesîle ile bi'l-cümle aʻzânın zât-ı riyâset-penâhîlerine karşı olan pek derîn ve lâ-yezâl hürmet ve taʻzîmlerinin şimdi telgrafla arzını teklîf eylerim. İstanbul Mebʻûsu ve Hilâl-i Ahmer Cemʻiyeti Merkez-i Umûmîsi aʻzâsından Hakkı Şinasi" Reîs: "-Bu teklîfi reʼy-i âlîlerine arz ediyorum. Kabûl buyurursanız elinizi kaldırınız. (Eller kalkar.) Büyük müncîmiz Mustafa Kemal Paşa hazretlerine ihtirâmâtımızın arzı takarrür etmişdir, efendim. Yine Hakkı Şinasi Paşa hazretleri tarafından verilmiş ikinci bir takrîr vardır. Onu okuyorum: Türkiye Hilâl-i Ahmer Cemʻiyeti Meclis-i Umûmîsi Riyâseti'ne, Pek muhterem başvekîlimiz İsmet Paşa hazretlerinin Türkiye Hilâl-i Ahmer Cemʻiyeti dâimî reîs-i fahrîliğini kabûl buyurmaları temenniyâtının meclis-i umûmî nâmına şimdi müşârunileyh haz- retlerine telgrafla arzını teklîf eylerim. İstanbul Mebʻûsu ve Hilâl-i Ahmer Cemʻiyeti Merkez-i Umûmî aʻzâsından Hakkı Şinasi Kabûl buyuruluyor mu efendim? (Eller kalkar.) Kabûl olundu. Tensîb-i âlîleri vechile bu iki