HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2249 Celâl Sâhir Bey (İstanbul): "-Bir hafta zarfında ikmâline imkân yokdur, efendim. Önümüzdeki Cuma'ya dahi idâre heyʼeti raporu ikmâl olunamaz". Reîs: "-Şimdi teklîf olunuyor ki, her üç encümen Cuma'ya kadar tedkîkâtını ikmâl edemez". Tevfik Salim Bey (Erzurum): "-Bendeniz yalnız idârî encümen için arz etdim. Diğer encümen- ler daha evvel yetiştirebilirlerse onu mütâlaʻa ederiz". İlyas Sami Bey (Muş): "-Tevzîʻ edilen raporları okumak ve tedkîkât netâyicini müzâkere etmek için iki ictimâʻ lüzûmu tahakkuk ediyor. Birisi bu Cuma olsun, heyʼet münâsib görürse diğeri de öbür Cuma olur". Sezai Bey (Zonguldak): "-Taşradan gelen murahhasların müddet-i ikâmetlerinin temdîdi biraz mahzûru dâʻîdir, sanıyorum efendim". Reîs: "-Bendeniz de bilhâssa bu husûsdaki mahzûru işâret etmek istemişdim. Maʻahâzâ ne sû- retle tensîb buyurulursa öyle yaparız. Encümen arkadâşlarımızdan fart-ı mesâʻî ricâ ediyorum". Celâl Bey (Edirne): "-Bu üç encümenin tedkîkâtını müzâkereye bir gün kiyâfet etmez. Bir ic- timâʻda nizâmnâme tedkîkâtı münâkaşa olunur, diğer ictimâʻda da mâlî ve idârî raporlar okunur. İkisinin yekdiğeriyle râbıta-i katʻiyesi vardır. Bu işlerin biri diğerinden tefrîk olunamaz. Maʻkûd ve merbûtdur". Reîs: "-Şu hâlde tezâhür eden kanâʻate nazaran nizâmnâme encümeni önümüzdeki Cuma'ya kadar mesâʻîsini ikmâl eder. Çarşamba veya Perşembe günü netîce-i tedkîkâtlarını bildirirler. Belki yetiştirilemez, mutlak arz etmiyorum. Diğer mâlî ve idârî encümenlerinin de raporlarını mümkün olduğu takdîrde bu hafta zarfında, şâyed kâbil olamazsa öbür Cuma'ya yetiştirmelerini ricâ ederim". Sadi Bey (Beyoğlu): "-Cuma günü ictimâʻ kâbil olamayacağını arz ederim. Çünkü 24 Tem- muz'a musâdifdir". Reîs: "-Yani 14 Temmuz'a tesâdüf ediyor değil mi efendim? Heyʼet-i celîlece de maʻlûmdur. Büyük Millet Meclisi bir kânunla yalnız 29 Teşrîn-i Sânî'yi cumhûriyet iʻlânı günü olarak kabûl et- mişdir. Diğer bayramlar merâsim yapılacak bayramlar değildir. Yani ictimâʻımıza da mâniʻ değildir. Şu hâlde tensîb buyurulduğu vechile nizâmnâme encümeni önümüzdeki Cuma'ya kadar mesâʻîsini ikmâl edip netîce-i tedkîkâtı bildirsinler. (Muvâfıkdır sesleri) Keyfiyet bu vechile takarrür etmişdir, efendim". Râsih Efendi (Antalya): "-Takrîrler okunsun, efendim". Reîs: "-Hakkı Şinasi Paşa hazretlerinin takrîrini okuyorum, efendim. [5] Türkiye Hilâl-i Ahmer Cemʻiyeti Meclis-i Umûmîsi Riyâseti'ne, Meclis-i umûmî tarafından bu kere tedkîk ve tasdîk kılınacak olan cemʻiyet muʻaddel nizâm- nâmesinde mevcûd hanımlar heyʼetlerinin lağvıyla diğer cemʻiyât-ı hayriyede olduğu gibi Hilâl-i Ahmer Cemʻiyeti'nin merâkiz ve şuʻabâtının dahi hanım ve erkeklerden muhtelitan teşkîl edilebile- ceğinin mezkûr nizâmnâmeye derc ü ilâvesini arz ve teklîf eylerim. İstanbul Mebʻûsu ve Türkiye Hilâl-i Ahmer Cemʻiyeti Merkez-i Umûmîsi aʻzâsından Hakkı Şinasi"