HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2251 Abdi, İstanbul: Ali, Erzurum: Hamdi Suad, Erzurum: Tevfik Salim, Üsküdar: Doktor Mahmud Ek- rem, Üsküdar: Edhem, Beyoğlu: Doktor Süreyya, İstanbul: Salih" (Mâliye encümenine sesleri) Tevfik Salim Bey: "-Efendim, mâliye encümeni bununla iştigâl etmez, hesâbâtla iştigâl eder. Bu idâre encümenine âiddir. Eskiden de böyle yapılmışdır". Reîs: "-Bu takrîri kabûl ve keyfiyetin idâre encümenine havâlesini tasvîb edenler el kaldırsınlar, efendim. (Eller kalkar.) İdâre encümenine havâlesi kabûl edildi. Bursa Murahhası Edhem Beyefen- di'nin takrîrlerini okuyorum: Hilâl-i Ahmer Kongre Riyâseti Cânib-i Vâlâsı'na, Taşradan muhîtinin ahvâline vâkıf mütehassıs murahhasların kongreye iştirâkini teʼmîn fevâid-i azîmeyi mûcib olacağından daʻvet edilecek murahhaslara harcırâh iʻtâsını teklîf ediyorum. Bursa Murahhası Edhem Sesler: "-Nizâmnâme encümenine…" Operötür Emin Bey: "-Müsâʻade buyurun efendim. Aynı mesʼeledir. Ortada taʻdîl edilmiş ve edilmek üzere bulunan bir nizâmnâme var. Her arkadâş bir teklîf serd edebilir ve bu çok mühim bir mesʼeledir. Birçok kıymetli arkadâşlarımız taşradan buraya gelemiyor. Bu mesʼele cây-ı tedkîk- dir. Evvelâ nizâmnâme encümenine gitsin, ondan sonra mâliye encümenine gider. Tedkîk olunabilir, efendim. Hakîkaten çok mühimdir". Reîs: "-Evvel emirde bu takrîri nazar-ı dikkate alanlar lütfen el kaldırsınlar. (Eller kalkar.) Na- zar-ı dikkate alınmışdır, efendim". İlyas Sami Bey (Muş): "Tabîʻî temennî mâhiyetinde". Reîs: "-Ol sûretle nizâmnâme encümenine havâlesini kabûl edenler el kaldırsınlar. (Eller kal- kar.) Nizâmnâme encümenine havâlesi kabûl olundu. Rûznâmede müzâkere edilecek başka mâdde kalmamışdır. Heyʼet-i celîleleri karârıyla Gâzî Paşa hazretlerine ve İsmet Paşa hazretlerine keşîde kılınacak telgrafnâmeleri tasvîb-i âlîlerine arz ediyorum, efendim. Hilâl-i Ahmer Cemʻiyeti'nin Hâmî-i Muʻazzamı Reîsicumhûr Gâzî Mustafa Kemal Paşa haz- retlerine, Taht-ı himâye-i riyâset-penâhîlerinde bulunmakla mübâhî Türkiye Hilâl-i Ahmer Cemʻiyeti şimdi üç yüz kırk bir senesi [1925] meclis-i umûmîsini akdetmiş ve fâtiha-i mesâʻî olarak heyʼet-i umûmiyenin lâ-yezâl taʻzîmât ve ihtirâmâtının zât-ı sâmî-i riyâset-penâhîlerine arzına [7] müttefikan karâr vermişdir. Bu şerefli vazîfeyi îfâya müsâraʻat eylerim. Hilâl-i Ahmer Meclis-i Umûmîsi Reîsi Konya Mebʻûsu Refik