HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2252 Başvekîl İsmet Paşa hazretlerine, Şimdi üç yüz kırk bir [1925] senesi alelâde ictimâʻını akdetmiş olan Türkiye Hilâl-i Ahmer Cemʻiyeti Meclis-i Umûmîsi, cemʻiyetin dâimî riyâset-i fahriyesini kabûl buyurmalarını zât-ı fahîmâ- nelerinden telgrafla istirhâma müttefikan karâr vermişdir. Arz-ı keyfiyete müsâraʻat eylerim". Sesler: "-Pek muvâfıkdır…" Reîs: "-Merkez-i umûmî, Çırağan'daki depoyu gezdirmek ve çay ziyâfeti vermek üzere meclis-i umûmîye iştirâk buyuran aʻzâ-yı muhteremenin Pazar günü sâʻat dörtde Çırağan'a teşrîf buyurmasını ricâ ediyor. Arz-ı maʻlûmât ediyorum. Bütün arkadâşların oraya teşrîflerini ricâ ediyorum. Başka müzâkere edilecek bir cihet kalmamışdır. Celseyi kapatıyorum. Sâʻat 4, dakîka 15 İkinci İctimâʻ 24 Temmuz [1]341 [1925] Cuma, Sâʻat 2, Dakîka 10 Reîs: "-Efendim, müzâkereye başlıyoruz. Zabt-ı sâbık okunacak. (Zabt-ı sâbık kırâat olundu.) Bu bâbda bir mütâlaʻa var mı efendim? Kabûl edenler el kaldırsın. (Eller kalkar, kabûl) Zabt-ı sâbık aynen kabûl olundu. Gâzî Paşa hazretlerinin keşîde buyurdukları telgrafı okuyorum, efendim. İstanbul'da Türkiye Hilâl-i Ahmer Cemʻiyeti Meclis-i Umûmîsi Riyâset-i Aliyyesi'ne, C. Meclis-i umûmînin ilk ictimâʻında hakkımda ızhâr buyurulan hissiyât-ı samîmâneden dolayı heyʼet-i muhremeye teşekkürâtımın ve muvaffakiyetleri hakkındaki temenniyâtımın teblîğ buyurul- masını ricâ ederim, efendim. Reîsicumhûr Gâzî Mustafa Kemal (Teşekkür ederiz sesleri) İsmet Paşa hazretlerinin telgrafını da okuyorum, efendim. Hilâl-i Ahmer Riyâset-i Fahriyesi'ne, İntihâb etmek sûretiyle beni şerefyâb eden aʻzâ-yı kirâma teşekkürât-ı âcizânemin iblâğını ricâ ve muhterem Hilâl-i Ahmer'e yüksek mesâʻî-i şefkat-perverâne ve güzîde muvaffakiyât temennî ey- lerim, efendim. İsmet " (Teşekkür ederiz sesleri) Reîs: "-Birkaç telgraf daha vardır. Heyʼet-i celîlece ıttılâʻ peydâ olunmak üzere arz ediyorum. Kongre Riyâseti'ne,