HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2253 Amasya Vilâyeti Hilâl-i Ahmer Meclis-i Umûmisince kongre murahhaslığına mütekâʻid Mîrli- vâ Doktor Macid Paşa intihâb edilmiş ve keyfiyet kendisine iblâğ edilmişdir, efendim. Amasya Hilâl-i Ahmer Cemʻiyeti Reîsi Rıza Tahsin [8] Kongre Riyâseti'ne, Kongre münâsebetiyle toplanan cemʻiyet arkadâşlarımızı hürmetle selâmlarken bizzât iştirâk edemediğimizden mütevellid teessürlerimizi kaydederiz. Antalya'mızın bir sıtma diyârı olduğu ve bu sebeble vilâyetimizin malaryalı mıntıkalarında mücâdeleyi teʼmîn edecek dispanserler teʼsîsini heyʼet-i umûmiyeden ricâ ve hürmetlerimizi arz ederiz, efendim. Antalya Hilâl-i Ahmer Reîsi Doktor Ferruh Niyazi Hilâl-i Ahmer Merkez-i Umûmîsi'ne, Daha evvel başka mahalden intihâb olunmasına binâen Şehremîni Emin Bey'in yerine emânet merkez meʼmûru Abdullah Bey merkezimiz nâmına murahhas intihâb olunmuşdur. Burdur Hilâl-i Ahmer Reîsi Doktor Zekâi" Reîs: "-Efendim, nizâmnâme encümeninin mazbatasını okuyorum: Cemʻiyet nizâmnâme-i esâsîsi ile komisyonumuza havâle kılınan iki takrîr müzâkere ve tedkîk kılındı. Nizâmnâmenin bazı mevâddı taʻdîl edilmiş ise de esbâb-ı mûcibe lâyihası tahrîrine vaktin adem-i müsâʻadesinden muvaffakiyet hâsıl olamamışdır. Maʻamâfîh esnâ-yı müzâkerede lüzûm görülürse komisyonumuz nokta-i nazarını arz edecek- dir. Takrîrden beri İstanbul'daki sâir cemʻiyât-ı hayriyede olduğu gibi Hilâl-i Ahmer Cemʻiyeti'nde dahi hanımlarla müştereken çalışmağı teklîf etmekde olduğunu da komisyonumuzca muvâfık görülen bu teklîf kabûl ve ale'l-umûm Hilâl-i Ahmer merâkiz ve şuʻabâtında hanımlarla berâber çalışmak üzere fasl-ı mahsûs nizâmnâmeden tay ve bu sebeble vilâyât merkezlerinin aʻzâ adedi on beşe iblâğ edilmişdir. Bu sûretle cemʻiyât-ı sâirede hanımlarımızdan edilen azîm istifâdelerden Hilâl-i Ahmer Cemʻiyeti dahi hisseyâb olacakdır. Murahhaslara harcırâh ve masârıf iʻtâsı takrîrine gelince; merâki- zin taʻaddüdü dolayısıyla fazla masraf ihtiyâr edileceği derpîş kılınarak mezkûr takrîr kabûl edileme- miş olduğu arz olunur, efendim". Reîs: "-Nizâmnâme, aʻzâ-yı muhteremeye evvelce tabʻ ve tevzîʻ edilmişdi. Maʻalesef vakit olmadığı için taʻdîlât ayrıca tabʻ ve tevzîʻ olunamadı. Tensîb buyurulursa taʻdîlât okundukça eldeki nizâmnâme lâyihasıyla mukâbele ve ilâvât işâret edilir, efendim". Abdülkadir Bey (İstanbul): "-Heyʼet-i umûmiye hakkında şunu arz edeceğim: Nizâmnâme ile