HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2254 eski nizâmnâme arasında büyük bir fark görüyorum. Eski nizâmnâmede hükûmetin cemʻiyet üzerin- de daha fazla bir hakk-ı murâkabesi vardı ve tanılıyordu. 51, 52, 53'üncü mâddeler bunu pek vâzıh gösteriyor. Yeni nizâmnâmede hükûmete âid kontrol noktaları hazf edilmiş görülüyor. Bendeniz hem sıhhiye-i askeriye hem de İstanbul murahhası olarak ve birçok arkadâşlarımın da fikrinin iştirâkiyle bir takrîr takdîm ediyorum. Heyʼet-i umûmiyesinin veya ayrı ayrı kabûlünü istirhâm ederim". Reîs: "-Pekâlâ efendim, takrîrinizi okuyorum". (Abdülkadir Bey'in ve rüfekâsının takrîrleri okundu.) "-Hilâl-i Ahmer Meclis-i Umûmîsi Riyâset-i Aliyyesi'ne, Hilâl-i Ahmer Cemʻiyeti, Salîb-i Ahmerler gibi muhârebe [9] lerde mecrûhlara ve hastalara bak- mak maksadıyla teşekkül etmiş, sulh zamânında felâketzedelere yardımı daha sonra programına idhâl eylemişdir. Her memleketde Hilâl-i Ahmer'in ilk vazîfesi orduya muʻâvenetdir. Yalnız malzeme ile değil, ordu kadrosuna giremeyecek eşhâsın da istihdâmını mümkün kıldığı için bu muʻâvenet çok kıymet- lidir. Hilâl-i Ahmer'in harb zamânında orduya yapacağı bu hizmetin müfîd ve müsmir olabilmesi için eşhâs ve eşyânın tamâmen ordu ve ihtiyâcına ve arzusuna mütevâfık ve tekâbül etmesi ve ordu mo- dellerine benzemesi zarûreti vardır. Bunun için de Hilâl-i Ahmer'in yalnız harb esnâsında değil, sulh zamânında dahi sıhhiye-i askeriye ile samîmî temâslarda bulunması ve bu temâsı idâme etmesi îcâb eder. Bu defa meclis-i umûmî heyʼet-i muhteremesine arz olunan muʻaddel Hilâl-i Ahmer Nizâm- nâme-i Esâsî Lâyihası 'nda cemʻiyetin hükûmet ve ordu ile alâkasını müşʻir mâddeler pek noksân ve gayr-ı muʻayyendir. Eski nizâmnâmenin 51, 52, 53'üncü mâddeleri arz olunan maksadı daha vâzıh bir tarzda taʻyîn ediyordu. Meclis-i umûmî heyʼet-i muhteremesi ihtimâl bu seneki celselerinde muʻaddel nizâmnâ- me-i esâsî lâyihasını müzâkere ve ikmâl etmeye vakit bulamaz. Nizâmnâmenin en mühim ve hayâtî kısmı hükûmete ve bilhâssa orduya yardım edecek mevâd olduğundan bu mâddelerin müstaʻcilen müzâkere ve mevâdd-ı muvakkate sûretiyle kabûlünü ehemmiyetle arz ve teklîf eder ve lâyihadaki mevâddın âtîdeki şekilde taʻdîl ve ikmâlini istirhâm eylerim. Harb zamânında; Mâdde 10- Cemʻiyet harb zamânında salâhiyetdâr makâm-ı sıhhî-i askerî ile temâsda bulunarak bu makâmın vereceği taʻlîmât ve göstereceği ihtiyâc üzerine ber-vech-i âtî muʻâvenetlerde bulunur. 1, 2, 3, 4, 5, 6, 7, 8 aynen. Mâdde 11- Harb-i dâhilî ve iğtişâş netîcesinde hasta ve mecrûh düşenlere Sıhhiye ve Muʻâve- net-i İctimâʻiye Vekâleti ve Müdâfaʻa-i Milliye Vekâleti Sıhhiye Dâiresi Riyâseti'nin tensîb edeceği şekilde muʻâvenet-i sıhhiye ve gıdâiyede bulunur. Mâdde 12- Aynen. Mâdde 13- Merkez-i umûmî harb zamânında salâhiyetdâr makâm-ı sıhhî-i askerînin lüzûm göstereceği harb cebhelerine ayrıca murahhaslar iʻzâm eyler. Mâdde 14- Cebhe murahhasları cemʻiyetin evâmir ve mukarrerâtına tâbiʻ olmakla berâber Hilâl-i Ahmer hastahâneleriyle müessesât ve teşkîlât-ı sâiresinin mevkiʻ ve faʻâliyet mıntıkalarını ve faʻâliyet tarzını taʻyînde vesâir husûsât-ı sıhhiyede salâhiyetdâr kumandanın reʼyine tebaʻiyet ederler.