HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2255 Sulh zamânında; Mâdde 1- Cemʻiyet harb zamânında hükûmet ve orduya yapacağı yardımlar için sulh zamâ- nında malzemesini ihzâr ve Müdâfaʻa-i Milliye Vekâleti Sıhhiye Dâiresi Riyâseti'nin intisâb edeceği mahalde iddihâr eder ve yardımcı eşhâs (hastabakıcı ve muʻâvin hastabakıcı) yetiştirir. 2-Müdâfaʻa-i Milliye ve Bahriye Vekâletleri Sıhhiye Dâiresi, Hilâl-i Ahmer ile temâsını muhâ- faza etmek ve nokta-i nazarını teblîğ ve taʻkîb eylemek için Hilâl-i Ahmer Cemʻiyeti nezdine bir tabîb-i askerîyi murahhas taʻyîn ederler. Sıhhiye-i askeriye murahhası Hilâl-i Ahmer'in tekmîl an- bârlarını görmeğe salâhiyetdârdır. Sıhhiye-i askeriye murahhasları Hilâl-i Ahmer Merkez-i Umûmî ictimâʻlarında istişârî reʼye mâlik olmak üzere bulunabilirler. 3-Sıhhiye ve Muʻâvenet-i İctimâʻiye Vekâleti'nin [10] göstereceği lüzûm ve tarzda ve tahsîsâtı dâiresinde müstevlî hastalıklara, verem, sıtma ve çocuk vefeyâtı gibi âfât-ı ictimâʻiyeye, harîk, hare- ket-i arz, tuğyân-ı miyâh, kaht ve îcâbât-ı harbiye dolayısıyla muhâceret gibi ictimâʻî mesâibe muʻâ- venet-i lâzımede bulunur. Mâdde 14- Aynen. İstanbul Vilâyeti ve Müdâfaʻa-i Milliye Vekâleti Sıhhiye Dâiresi Murahhası Muʻallim Tabîb Kâimmakâm Abdülkadir Lütfi , diğer dört imzâ" Celâl Sâhir Bey (İstanbul): "-Bendenizin bir takrîrim var, efendim. Nizâmnâmenin müzâkere- sinden evvel kırâatını ricâ edeceğim. Makâm-ı âlînize takdîm edilmişdir". (Celâl Sâhir Bey'in takrîri ber-vech-i zîr okundu.) * Nakiye Hanım, İstanbul * Refik İsmail Bey, Muğla * Ragıb Bey, Diyarbekir * Zeki Bey, Beyoğlu * Niyazi Tevfik Bey, Üsküdar * Hüsnü Hâmid Bey, İstanbul * Doktor Murad Bey, Eskişehir * Sadi Bey, Beyoğlu * Esad Bey, Beyoğlu * Celâl Sâhir Bey, İstanbul Hilâl-i Ahmer 1341 [1925] Umûmî Meclis-i Muhterem Riyâseti'ne, Hilâl-i Ahmer esâs nizâmı değiştirilirken şu iki nokta dikkate şâyândır: 1-Türkçe olmayan unvânın değiştirilmesi 2-Esâs nizâmî mâddelerinin yeni yazılışında mümkün olduğu kadar sâde Türkçe olması.