HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2259 Reîs: "-Bir mütâlaʻa var mı efendim? Kabûl buyuranlar lütfen el kaldırsın. (Eller kalkar.) Kabûl olundu". Altıncı Mâdde- Mâdde-i sâbıka mûcebince iʻtâ olunacak müsâʻadenin nihâyet üç seneyi tecâ- vüz etmeyecek bir müddetle takyîd edilmesi ve müsâʻade istihsâl eden şuʻbe tâbiʻ bulunduğu devletin kavânîn ve nizâmâtına tevfîkan teşekkül etmekle berâber bütün muʻâmelâtında Türkiye kavânîn ve nizâmâtına tâbiʻ bulunması şartdır. Bu şerâiti îfâ etmeyen şuʻbeler, devletçe seddolunur. Reîs: "-Mütâlaʻa var mı efendim?" Celâl Sâhir Bey: "-Bunun ayrı bir mâdde ile tesbîtine lüzûm görmüyorum. Diğer mâddeye ilhâk edilmesi münâsibdir. Çünkü hep aynı nokta etrâfındadır". Sadeddin Ferid Bey: "-Efendim, ayrı hükmü ifâde eden noktalarda ayrı mâdde vazʻına mecbû- riyet hâsıl olmuşdur". Reîs: "-Bu mâddenin, mâdde-i sâbıkaya ilâvesi hakkında Celâl Sâhir Bey'in teklîflerini kabûl edenler lütfen el kaldırsın. (Eller kalkar.) İlâve teklîfi kabûl olunmuyor. Şu hâlde mâddeyi reʼye ko- yuyorum. (Eller kalkar.) Mâdde kabûl edildi". [14] Yedinci Mâdde- Türkiye Hilâl-i Ahmer Cemʻiyeti'nin mevcûdiyeti zamân ile mukayyed değildir. Reîs: "-Mâddeyi kabûl buyuranlar lütfen el kaldırsın. (Eller kalkar.) Kabûl olundu". Sekizinci Mâdde- Türkiye Hilâl-i Ahmer Cemʻiyeti'nin merkezi Ankara'dadır. Celâl Sâhir Bey: "-Merkez-i umûmî demek lâzımdır, efendim". Sadeddin Ferid Bey: "-Merkez-i umûmî demeğe mahal yokdur. Merkez denince bütün muʻâ- melâtın temerküz etdiği mahaldir". Celâl Bey: "-Yalnız merkez kalması iltibâsı mûcibdir". Fazlı Necib Bey: "-Muhtelif, müteʻaddid merkezler vardır. Vilâyet merkezleri vardır. Umûm merkezlerin tâbiʻ olduğu bir merkez-i umûmî vardır. Bir umûmî taʻbîrini kısırganmakda maʻnâ yok- dur". Sadeddin Ferid Bey: "-Burada heyʼet-i umûmiye hâkimdir". Râsih Efendi (Antalya): "Merkez-i umûmî asıldır. Merkez-i umûmî kongreye niyâbeten idâre-i umûr eder. Onun için merkezi Ankara'dır demek idâre-i merkeziyesi Ankara'dadır demekdir. Yani yazılan şekil daha münâsibdir". Sabur Sâmi Bey (Kayseri): Efendim, bu bâbda Fazlı Necib Beyefendi'nin mütâlaʻası doğrudur. O sûretle tashîhini teklîf ediyorum". Reîs: "-Başka bir mütâlaʻa var mı efendim? Şu hâlde merkezi yerine merkez-i umûmîsi denil- mesini kabûl edenler lütfen el kaldırsın. (Eller kalkar.) İttifâkla kabûl olundu". Dokuzuncu Mâdde- Türkiye Hilâl-i Ahmer Cemʻiyeti reîsicumhûr hazretlerinin himâyeleri al- tındadır. Reîs: "-Kabûl buyuranlar lütfen el kaldırsın. (Eller kalkar.) Kabûl olundu". Onuncu Mâdde- Cemʻiyet harb zamânında salâhiyetdâr ordu ve donanma sıhhiye mukâvimle- riyle iʼtilâf ederek ber-vech-i âtî muʻâvenetlerde bulunur: