HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2282 [39] Celâl Sâhir Bey: "-İki bin lira verenlere fâhir aʻzâ unvânı iʻtâsı hakkındaki teklîfim müzâ- kere edilirken bazı münâkaşâtdan sonra mâddedeki 'münâsib görülenlere' taʻbîrinin ibkâsına karâr verilmişdir. Zabtın o sûretle tashîhini taleb ederim". [Reîs]: "-Başka bir mütâlaʻa var mı efendim?" Haydar Bey: "-Bir-iki yerde cemʻiyetin aʻzâları diye bahsolunuyor. Maʻlûm-ı âlîniz 'aʻzâ' keli- mesi lisânımızda hem müfrede, hem cemʻe teşmîl edildiği için müfred ve cemʻ makâmında Şûrâ-yı Devlet aʻzâsı, Büyük Millet Meclisi aʻzâsı diyoruz. Aʻzâları, iki defa cemʻ oluyor. Binâenaleyh ol sûretle tashîh-i keyfiyet edilmesini ricâ ediyorum". Reîs: "-Bu sûretle kabûl buyuranlar lütfen el kaldırsın. (Eller kalkar.) İşâret buyurulan husûsâtın tashihinden sonra zabt-ı sâbık kabûl edilmişdir. Gaziayıntab Mebʻûsû Remzi Beyefendi'den: '-Gaziayıntab'dan Urfalı Reşid Kâmil Beyefen- di'nin Urfa'dan Hilâl-i Ahmer nâmına murahhas intihâb edildiğini arz ederim'. İzmir murahhaslarından Şark Demiryolları Komiseri Muhtar Beyefendi, bir tezkere yazmışlar. Bendenize diyorlar ki: '-Şimendiferciler kongresinde bulunmak üzere Ankara'ya gidiyorum. İmkânı varsa reʼyimi siz istiʻmâl ediniz'-. Hâlbuki buna imkân-ı hukûkî yokdur. Afyonkarahisar Mebʻûsu Ali Şerif Beyefendi'nin bir takrîri vardır. Onu okuyorum: '-Birçok merâkiz ve şuʻabâtın îcâr-ı mebânîde dolaştığı gibi birçoklarının da bir binâya sâhib bulunmadığı ve ictimâʻlarını rastgele bir yerde akdetdikleri maʻlûm-ı devletleridir. Ağleb-i ihtimâl bu sene zarfında satış edilecek emlâk-ı milliyeden her merkez ve şuʻbenin birer yurd edinebilmesinin taht-ı karâra alınmasını temennî eylerim'. (Encümene gitmesi muvâfıkdır ses- leri) Mâlî raporu tedkîk eden encümene havâlesini kabûl edenler el kaldırsın. (Eller kalkar.) Kabûl edilmişdir. Nizâmnâme mevâddının müzâkeresine devâm ediyoruz, efendim. Dördüncü Fasıl Cemʻiyetin İdârî Teşkîlâtı Mâdde 30- Hilâl-i Ahmer Cemʻiyeti'nin teşkîlâtı ber-vech-i âtîdir: 1-Meclis-i Umûmî 2-Merkez-i Umûmî 3-Vilâyet Meclis-i Umûmîleri 4-Vilâyet Merkezleri 5-Kazâ, Nâhiye, Köy ve Mahalle Şuʻbeleri 6-İdâre Heyʼetleri 7-Tedkîk Komisyonu Reîs: "-Bir mütâlaʻa var mı efendim? Kabûl buyuranlar el kaldırsın. (Eller kalkar.) Kabûl edil- mişdir". Celâl Sâhir Bey: "-Buradaki taksîmât, merkez ve şuʻbelerin teşkîlâtı mâddesiyle münâsebetdâr- dır. Farazâ burada köy şuʻbelerinden bahsolunuyor. İhtimâl ekseriyet-i muhtereme köy veya nâhiye