HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2286 Salahaddin Bey: "-Hadd-i asgarîyi gösteriyor efendim. İmkân olursa tabîʻî daha fazla aʻzâya imzâ etdirilir". Celâl Sâhir Bey: "-İşte bendeniz mikdâr-ı asgarîyi az görüyorum. Bir meclisin zabıtları hiç ol- mazsa on kişi tarafından imzâ edilmelidir". Hüsnü Hâmid Bey: "-Burada bu bir formaliteden ibâretdir. Yani bu dokümanın kıymet-i hukû- kiyesi olmak içindir, kâfidir". [43] Reîs: "-Esâsen zabt-ı sâbık müteʻâkib celsede okunup aʻzâ-yı mevcûde tarafından kabûl edilir. Onun için riyâseti teşkîl eden zevâtın imzâları kâfidir. Teklîf bir şekilden ibâretdir". Tevfik Salim Bey: "-Reîs beyefendi, yalnız son ictimâʻın zabtı okunamıyor efendim. Şâyân-ı ehemmiyet karârlar da ekseriyetle o son ictimâʻda veriliyor. Geçen sene son ictimâʻın zabtı okunma- dığı için bir şey anlaşılamadı". Reîs: "-Geçen sene ihtimâl unutulmuşdur. Bu sene derhâl bir fâsıla ile zabıt tedkîk edilir. Hulâ- sa-i müzâkerât çıkarılarak heyʼet-i muhteremeye okunur, ondan sonra ictimâʻa nihâyet verilir. (Muvâ- fık sesleri) Şu hâlde mâddeyi kabûl buyuranlar lütfen el kaldırsın. (Eller kalkar.) Kabûl olundu". Mâdde 42- Meclis-i umûmî karârları 48'inci mâddede beyân olunan ahvâl hâricinde mevcûd aʻzânın ekseriyet-i mutlakası ile ittihâz olunur. Reîs: "-Mâddeyi kabûl edenler el kaldırsın. (Eller kalkar.) Kabûl olundu". Mâdde 43- Aʻzânın yalnız bir reʼyi vardır. Tesâvî-i ârâ vukûʻunda reîsin bulunduğu taraf tercîh olunur. Celâl Sâhir Bey: "-Reîsin bulunduğu tarafın reʼyi şeklinde tashîhini ricâ ederim". (Muvâfık sesleri) Reîs: "-Mâddeyi bu sûretle kabûl buyuranlar el kaldırsın. (Eller kalkar.) Kabûl olundu". Mâdde 44- İşbu nizâmnâmenin tebdîl ve taʻdîle ve harb ihtiyâtından sarfiyât icrâsına müteʻal- lik meclis-i umûmîce ittihâz olunacak karârların merʻiyeti mevcûd aʻzânın sülüsân-ı ârâsına müte- vakkıfdır. Reîs: "-Mâddeyi kabûl edenler el kaldırsın. (Eller kalkar.) Kabûl olunmuşdur, efendim". Mâdde 45- Meclis-i umûmînin rüʼyet edeceği mevâd şunlardır: 1-Cemʻiyetin merkez-i umûmî tarafından tertîb olunan senelik raporuyla muvâzene-i hesâbi- yesinin ve tedkîk komisyonunun buna müteʻallik tanzîm ve iʻtâ eyleyeceği raporun tedkîki ve kabûlü hâlinde merkez-i umûmînin zimmetinin ibrâsı 2-Büdcenin tasdîki 3-Merkez-i umûmîce münhal aʻzâlıklara intihâb olunmuş zevâtın tasdîki ve kurʻa ile çıkacakla- rın yerine reʼy-i hafî ile merkez-i umûmîye aʻzâ intihâbı 4-Tedkîk komisyonu aʻzâsının tecdîden intihâbı 5-Merkez-i umûmîce teklîf edilen husûsâtın müzâkeresi Reîs: "-Mâddeyi reʼyinize arz ediyorum efendim. Kabûl buyuranlar el kaldırsın. (Eller kalkar.) Kabûl olunmuşdur. Bu mâddeye dâir Celâl Sâhir Beyefendi'nin bir takrîri vardır. Onu okuyorum: