HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2299 mahzûrlar tevlîd edebilir. Onun için hakk-ı tefsîri merkez-i umûmîye bahşediniz". Hakkı Şinasi Paşa: "-Remzi Beyefendi ile bi'l-müzâkere şeklini taʻdîl etmek üzere fıkranın en- cümene havâlesi muvâfık olur". Reîs: "-Encümene havâlesi muvâfık mıdır efendim? (Muvâfık sesleri) Bu fıkra encümene tev- dîʻ kılındı. Yedinci Fıkra- Encümenden gelen şekli". (Encümenin yedinci fıkrasını tekrâr okudu.) Tevfik Salim Bey: "-Heyʼet-i idârenin sarfiyât için merkez-i umûmîden meʼzûniyet alması şart koşuluyor. Bu kayıd âdî ve fevkalâde büdcelerden hangisine âiddir?" Hakkı Şinasi Paşa: "-Her ikisine de tabîʻî". Tevfik Salim Bey: "-Âdî büdce için merkez-i umûmîden karâr almağa ihtiyâc yokdur. Bunu heyʼet-i idâre yapar. Hâlbuki paşa hazretlerinin nokta-i nazarı kabûl edilirse âdî büdce dâhilindeki sarfiyâtın da merkez-i umûmî karârına iktirânı lâzım gelir. İş olmaz". Fikret Bey: "-Mâdemki burada merkezin salâhiyetleri mezkûrdur, sarfiyât merkez-i umûmînin hakkıdır, onu tesbît ediyoruz". Hakkı Şinasi Paşa: "-Bendeniz dördüncü mâddeye 'büdceyi tatbîk eder' fıkrasının ilâvesini teklîf ediyorum". Reîs: "-Bu fıkranın ilâvesini kabûl edenler el kaldırsın. (Eller kalkar.) Kabûl olundu. Encümenden gelen şekilde yedinci fıkrayı kabûl buyuranlar da el kaldırsın. (Eller kalkar.) Ka- bûl olundu". Reîs: "- Sekizinci Fıkra- Encümenin teklîfi. (Encümenden gelen mâddenin sekizinci fıkrasını tekrâr okudu.) Kabûl buyuranlar el kaldırsın. (Eller kalkar.) Kabûl olundu". Dokuzuncu Fıkra- (Encümenden gelen mâddenin dokuzuncu fıkrasını tekrâr okudu.) [57] Celâl Sâhir Bey: "-Yukarıda büdcenin sarfiyâtında kalan ıtlâk ile hakkı merkez-i umûmîye veriyorsunuz. Heyʼet-i idâre yalnız rüesâ-yı meʼmûrîni azl ve nasb ediyor. Bunda bir insicâm yokdur". Hüsnü Hâmid Bey: "-Yalnız rüesâ-yı meʼmûrîni demeli". Reîs: "-Sâhir Bey'in teklîfi bi'l-umûm meʼmûrîni azl ve nasb edebilsin şeklindedir. Ne buyuru- luyor efendim? (Olmaz sesleri) Şu hâlde encümenin teklîfini kabûl edenler el kaldırsın. (Eller kalkar.) Kabûl olundu". Onuncu Fıkra… Niyazi Bey (Üsküdar): "-Cemʻiyetin yapacağı işler meyânında bu hastabakıcı yetiştirmek mesʼelesi pek esâslı bir hizmet olduğu için teʼkîden yazılmış olması fâidelidir". Reîs: "-Kadın taʻbîrini müsâʻadenizle kaldırıyorum. Kadın taʻbîrinin refʻiyle fıkrayı encümen- den gelen şekilde kabûl buyuranlar el kaldırsın. (Eller kalkar.) Kabûl olundu". On Birinci Fıkra- (Encümenden gelen şeklin on birinci fıkrasını okudu.) Rasih Efendi (Antalya): "-Vekîller Heyʼeti Riyâseti'ne takdîmi şeklinde yazılmak lâzım gelir".