HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2302 Mâdde 70- Reîs, heyʼet-i idâre ictimâʻlarına riyâset ve mehâkim ve deâvirde bizzât veya bi'l-vekâle cemʻiyeti temsîl eder. Celâl Sâhir Bey: "-Riyâset, cemʻiyeti temsîl eder demelidir". Fikret Bey: "-Reîs cemʻiyeti her husûsda ve devâirde temsîl eder demek kâfidir". Salahaddin Bey: "-Reîs cemʻiyeti mehâkim huzûrunda devâir ve bi'l-cümle mevâkiʻ ve husûsât- da temsîl eder demek lâzımdır. Mehâkim huzûrunda kaydına her hâlde ihtiyâc vardır. Çünkü mehâ- kim bu kayıd olmadıkça reîsi mümessil olarak kabûl etmez". Reîs: "-Şu hâlde o kayıd kalıyor. Yalnız 'bi'l-cümle husûsâtda' kaydını ilâve ediyoruz. Bu sûretle kabûl edenler lütfen el kaldırsın. (Eller kalkar.) Kabûl olundu. Mâdde 71- Reîs bulunmadığı takdîrde reîs-i sânîlerden biri reîse âid bi'l-cümle vezâifi îfâ eder. Kabûl edenler el kaldırsın. (Eller kalkar.) Kabûl olundu". Haydar Bey: "-Reîs bulunmaz, reîs-i sânîler de bulunmazsa riyâset makâmı boş kalıyor. Bunun için buraya, reîsler bulunmadığı hâlde aʻzâdan en müsinninin riyâset edeceğine dâir bir mâdde ilâve- sini teklîf ediyorum". Reîs: "-Reîsin gaybûbeti ihtimâline karşı iki reîs-i sânî intihâb olunuyor. Eğer onlar da bulun- mazsa iş yürümüyor demekdir". Salahaddin Bey: "-Çok doğrudur, efendim. Böyle kalırsa reîsleri vazîfeye sevk etmiş oluruz". Reîs: "-Haydar Bey'in teklîfini nazar-ı iʻtibâra alanlar el kaldırsın. (Eller kalkar.) Nazar-ı iʻtibâ- ra alınmadı, efendim". Mâdde 72- Kâtib-i umûmî bütün muʻâmelât-ı idâriyenin intizâm-ı cereyânını teʼmîn ve heyʼet-i idâre karârlarının icrâsıyla mükellefdir. Muhâberât, reîs veya reîs-i sânîler veya kâtib-i umûmî tara- fından imzâ [60] olunur. Makbûzât ve teʼdiyât evrâkında dahi bu zevâtdan birinin imzâsı bulunmak şartdır. Celâl Sâhir Bey: "-Müsâʻade buyurunuz, bunu ayrı bir mâdde yapalım. 'İmzâsı bulunmak şart- dır'a kadar. Çünkü cümle orada bitmek lâzımdır". Reîs: "-72'nci mâddeyi bu sûretle kabûl edenler el kaldırsın. (Eller kalkar.) Kabûl olundu". Mâdde 73- Cemʻiyet sermâyesinin bulunduğu banka hesâb-ı cârîsinden veya depo akçelerin- den para ahz edebilmek için heyʼet-i idâre aʻzâsından dört zâtın imzâsı lâzımdır. Cemʻiyetin banka- lar vesâir müessesât ile olan diğer muʻâmelât-ı mâliyesinde vazʻ-ı imzâya meʼzûn zevâtdan ikisinin imzâsı kifâyet eder. Reîs: "-Kabûl edenler lütfen el kaldırsın. (Eller kalkar.) Kabûl olundu. Mâdde 74- Muhâsebe murâkıbı cemʻiyetin bi'l-umûm umûr-ı hesâbiyesini tanzîm etdirir. Bir mütâlaʻa var mı efendim?" Mustafa Bey: "-Murâkabe eder ve tanzîm etdirir demek lâzımdır". Fikret Bey: "-Murâkabe kâfidir". Reîs: "-Şu hâlde 'muhâsebe murâkıbı cemʻiyetin bi'l-cümle umûr-ı mâliye ve hesâbiyesini murâkabe eder' şeklinde kabûl edenler el kaldırsın. (Eller kalkar.) Kabûl olundu".