HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2305 Reîs: "-Efendim, maksad tavazzuh etmiş ve takrîr de sâhibi tarafından istirdâd edilmiş. Nizâm- nâme müzâkeresine devâm ediyoruz. Mâdde 77- Merkezler vilâyetlerde teşkîl olunur. Merkez teşekkül edebilmek için lâ-ekal elli aʻzânın bulunması lâzımdır. Bir mütâlaʻa var mı efendim? Kabûl edenler el kaldırsın. (Eller kalkar.) Kabûl olundu. Mâdde 78- Merkez teşkîlâtı ber-vech-i âtîdir: 1-Vilâyet meclis-i umûmîleri 2-Vilâyet merkez ve idâre heyʼetleri Bir mütâlaʻa var mı efendim? Kabûl buyuranlar lütfen el kaldırsın. (Eller kalkar.) Kabûl olun- muşdur". Reîs: "- Mâdde 79- Vilâyet meclis-i umûmîsi o vilâyet dâhilinde mukayyed aʻzânın ictimâʻıyla teşekkül eder. Meclis-i umûmîyi reîslerini intihâb edinceye kadar heyʼet-i merkeziye reîslerinden biri idâre eder. Nisâb-ı ictimâʻın mevcûdiyeti tahakkuk edince reʼy-i hafî ile bir reîs, bir reîs-i sânî ve bir kâtib intihâb olunur. İntihâbı müteʻâkib celseyi müntehab-ı rüesâdan biri idâre eder. Bir mütâlaʻa var mı efendim? Kabûl buyuranlar el kaldırsın. (Eller kalkar.) Kabûl olundu. Mâdde 80- Vilâyet meclis-i umûmîleri müzâkerâtını nihâyet bir haftada ikmâl eder. Kabûl buyuranlar el kaldırsın. (Eller kalkar.) Kabûl olundu. Mâdde 81- Vilâyet meclis-i umûmîsine iştirâk edecek aʻzânın âidât-ı seneviyelerini tamâmen teʼdiye etmiş olmaları lâzımdır. [63] Bir mütâlaʻa var mı? Kabûl buyuranlar el kaldırsın. (Eller kalkar.) Kabûl olunmuşdur, efendim. Mâdde 83- Vilâyet meclis-i umûmîleri senevî ictimâʻlarını Teşrîn-i Evvel'in on beşinde akde- derler. Bir mütâlaʻa var mı efendim? Kabûl buyurulan el kaldırsın. (Eller kalkar.) Kabûl olundu. Mâdde 84- Vilâyet meclis-i umûmîleri: 1) Sene-i âtiye büdcesini tedkîk, 2) On beş zâtdan mürekkeb heyʼet-i merkeziyesinin sülüsünü kurʻa ile ihrâc ve yerlerine reʼy-i hafî ile yeni aʻzâ intihâb, 3) Hilâl-i Ahmer menâfiʻine âid teklîfâtı müzâkere ve bu bâbdaki karârları merkez-i umûmîye arz, 4) Hilâl-i Ahmer'e fevkalâde hizmet edenle- rin taltîf ve takdîrini esbâb-ı mûcibe serdiyle merkez-i umûmîye inhâ, 5) Meclis-i umûmîye murahhas intihâb eder. Bir mütâlaʻa var mı efendim? Kabûl edenler lütfen el kaldırsın. (Eller kalkar.) Kabûl olundu". Mâdde 85- Vilâyet meclis-i umûmîleri tarafından intihâb edilen heyʼet-i merkeziyeler ilk ic- timâʻında reʼy-i hafî ile kendi aralarında icrâ vazîfesiyle mükellef olmak üzere bir reîs-i sânî, bir muhâsib, bir veznedâr ve bir kâtibden ibâret idâre heyʼetlerini intihâb eder ve berây-ı tasdîk bâ-maz- bata merkez-i umûmîye arz ederler. Reîs: "-Bir mütâlaʻa var mı efendim? Kabûl buyuranlar lütfen el kaldırsın. (Eller kalkar.) Kabûl olundu".