HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2307 iʻtirâf ile söze başlamak mecbûriyetini hissetmekdedir. Geçen seneki idâre encümeni raporunda bir münâsebetle "meclis-i umûmînin fîmâ baʻd her sene zamân-ı muʻayyeninde ictimâʻına bir mâniʻ mutasavver olmadığı" zikir ve ihtâr edildiği gibi esâsen her meclis-i umûmînin bu ictimâʻ teehhurla- rından müştekî olması bir anʻane hâlini almışdır. Bu seferki teehhur için gösterilen özür vilâyetlerdeki âmil aʻzâların meclis-i umûmîde temsîl tarz ve nisbetine dâir nizâmnâme-i esâsîde meclis-i umûmî karârıyla icrâ edilen taʻdîlâtın 25 Şubat 1341 [1925] târîhinde tasvîb-i âlîye iktirân etdiği Dâhiliye Vekâleti'nden teblîğ edilmesidir. 1339 [1923] senesi sonunda ictimâʻlarını bitiren meclis-i umûmînin karâr verdiği taʻdîlâtın icrâsı ve hükûmete tasdîk etdirilmesi için geçen bir sene bir ay müddet çokdur. Eğer bu teehhur taʻ- dîlâtın icrâsında olmuşsa vazîfedârlar nezdinde, hükûmetçe tasdîkinde olmuşsa hükûmet nezdinde merkez-i umûmîce teşebbüsât-ı lâzımede bulunularak taʻcîli mümkündü zannındayız. 25 Şubat'dan Temmuz ortasına kadar geçen müddetin ictimâʻa daʻvet için fazla olduğu da âşikârdır. Yeni nizâmnâme esâsı meclis-i umûmînin alelâde ictimâʻ zamânını tesbît etdiği için bundan sonra hiç muvâfık olmayan bu gibi teehhurların vâkiʻ de olmayacağı ümîd edilebilir. Geçen Meclis-i Umûmînin Karârları 1-Hilâl-i Ahmer anbârında mevcûd lüzûmlu ve lüzûmsuz eşyânın tefrîkiyle lüzûmsuzların elden çıkarılması Bu karârın tatbîk ve icrâsına çalışıldığı ve mevcûd eşyânın mühim bir kısmı mübâdeleye tâbiʻ olarak gelenlere tahsîs ve tevzîʻ ve bir kısmı da mürâcaʻat eden müesseselere ve efrâda gerek topdan gerek satış sergisinde perâkende sûretiyle satıldığı muhakkak ise de bu husûsa daha germî vererek yakın zamânda nevʻ ve cinsi, yenisi eskisi tefrîk ve fiyâtları takdîr edilmemiş eşyâ bırakılmaması ve satışın tesrîʻi husûsunda da çâreler düşünülmesi iʻtinâya şâyân bir mesʼeledir. [65] Bu eşyâ arasında teşebbüssüz, iʻlânsız, yalnız rağbet edecek müşterisine muntazar olarak satılması mümkün olmayan mevâd vardır. Her ne kadar bu eşyâ için resimli bir katalog tertîb ve taʻmîm edildiği haber alınmış ve katalog görülmüşse de bunun da bu şekilde ve yalnız bir kere yapılıp bırakılması kifâyet etmez. İʻlâna devâm ve daha başka çâreler aramak lâzımdır. Bu çâreler arasında, merkez-i umûmî celselerinde münâkaşa edildiği vechile fiyât takdîrlerinde nisbetsizlikler varsa bu- nun da tashîhi dâhildir. Aynı zamânda bu mevâd Hilâl-i Ahmer anbârında vücûdu lâzım şeyler de değildir. Bir an ev- vel tasfiyesi muktezîdir. Diğer bir kısım eşyâda durmakla kıymetinden gâib edecek ve zamânında sarf ve istihlâk olunmak şartıyla birçok yardımlar için işe yarayacak şeylerdir. Farazâ heyʼet-i idâre mukarrerâtı arasında kaydına tesâdüf olunan üç bin kiloya yakın patatesin çürüyerek ve filizlenerek imhâsına mecbûriyet hâsıl olması bu iddiʻâmızı teʼyîd eden küçük bir misâldir ve yine oldukça çok mikdârda anbâr raflarında katlarında yırtılmalarını bekleyen çocuk esvâbları dururken belki bunların vücûdundan haberdâr olmayan hayır müesseseleri fakîr çocukları giydirmek için aynı mâlları yüksek fiyâtlarla başka yerlerden tedârük etmekdedirler. Bu küçük misâller anbârda mevcûd eşyânın mühim bir kısmına hükmü teşmîl edilebilecek numûnelerdir. Merkez-i umûmînin 28 Temmuz 1339 [1923] celsesi karârıyla ve Celâl Muhtar Bey'in şükrâna şâyân teşvîkiyle vâkiʻ olan İngiliz metrûkâtını satın almak işinin başlı başına çok iyi icrââtdan oldu- ğunu memnûniyetle yâd etmekle berâber satın almak ve toplamak husûsunda gösterilen o muvaffaki-