HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2308 yetin lüzûmsuz eşyâyı satmak ve muʻâvenet sûretiyle dağıtmak ve kalan eşyâyı da lüzûmu takdîrinde en çabuk kâbil-i sevk, hâzırlanmış kısımlar hâline getirmek husûsunda da gösterilmesini bilhâssa temennî ederiz. 2-Hilâl-i Ahmer Merkez Deposu'nun Eskişehir'e nakli Eskişehir'de Karacabey'de satın alınmış olan çiftlikde vücûda getirilen büyük anbârı ziyâret etmek tabîʻî idâre encümeninizin mesâʻî programında dâhil değildir. Yalnız oraya küllî mikdârda eşyâ sevk edilmiş olduğunu kuyûd-ı mevcûde ile tesbît etdik. Maʻamâfîh İstanbul'daki anbârda bulunan eşyâdan mühim bir kısmın daha Karacabey anbârına nakli lâzım olduğu mütâlaʻasındayız. Hilâl-i Ahmer'in bütün ağırlığı dâhilde temerküz etdirilmelidir. 3-Hastabakıcı Mektebi teʼsîsi Cemʻiyetin ihyâen teşkîlinden beri hemen her sene merkez-i umûmî rûznâmelerini müteʻaddid celselerde işgâl eden, uzun müzâkerelere sebeb olan müteʻadid şekil ve sûretler alarak projeleri en- cümenlerde dolaşan ve nihâyet geçen meclis-i umûmînin katʻî bir karârıyla teʼsîsi iltizâm olunan bu mekteb lehü'l-hamd Şubat ayında açılabilmişdir. Bu teehhur Türk Hilâl-i Ahmeri için bir kusûr idi. İzâlesini memnûniyetle karşılarız. Ancak bu mektebden matlûbu olan fâideyi istihsâl edebilmek için talebe aded-i mürettebini teksîr ve bilhâssa rağbet-i umûmiyeyi teʼmîn etmek lâzımdır. Bunun için de her sûretle teşvîkâtda bulunmakla berâber hâlen mevcûd maʻîşet güçlüğü ve istikbâl endîşesi maʻlûm olduğundan müdâ- vimlerine [66] ikmâl-i tahsîl edince hem bir staj yeri hem bir medâr-ı maʻîşet hâzırlamak için mevcûd sıhhî müesseselerle anlaşmak fâideli olur, mülâhazasındayız. Aynı zamânda bu Hastabakıcı Mektebi, emsâli diğer büyük merkezlerde de vücûda getirilme- lidir. 4-Anadolu'da Hilâl-i Ahmer teşkîlâtının tevsîʻi ve köylerde teşkîlât vücûda gelmesini teʼmîn için irşâdâtda bulunulması Merkez-i umûmî raporunda da zikrolunduğu vechile Hilâl-i Ahmer teşkîlâtı geçen meclisin inʻikâdı zamânındaki mevcûdun iki mislinden fazlasına çıkmak sûretiyle adeden tezâyüd etmiş ve hattâ nizâmnâmenin kuyûduna rağmen ve meclis-i umûmînin bu temâyülüne tebaʻan merkez-i umûmî karârıyla nâhiyelerde bile şuʻbe teşkîli kabûl edilmişdir. Fakat vücûda gelen bu teşkîlâtın idârî ve mâlî makinelerinin matlûb vechile işlediğini nâdir istisnâlardan sarf-ı nazar iddiʻâ etmek mümkün değil- dir. Bu istisnâlar da yediyi, sekizi geçmeyip raporda faʻâliyetleri mezkûrdur. Bütün bu Hilâl-i Ahmer müesseselerinin 1339 [1923] ve 1340 [1924] seneleri zarfında merkez-i umûmîye gönderdikleri me- bâliğ mecmûʻu takrîben iki yüz küsûr bin lira râddesinde olduğu gibi mecmûʻ vâridâtları da dört yüz bin lirayı bulmakdadır. Vâridât ve muʻâvenet teʼmîni husûsundaki bu netîcenin kifâyetsizliği ile berâber bu kadara bâliğ olmasında da bu senelerin fevkalâde hâdisesi olan azîm mübâdele-i ahâlînin en büyük sâik olduğu âşikârdır. Aynı zamânda bu merkez ve şuʻbelerden birçoklarının Hilâl-i Ahmer Nizâmnâme- si 'nin ahkâm-ı sarîhasına riʻâyetde kusûrları da görülmüşdür. Merkez-i umûmî raporunun elli sekiz ve elli dokuzuncu sahîfelerinde tafsîl olunan bu idârî ve mâlî nakîsaları burada tekrâra lüzûm görmü- yoruz. Yalnız orada zikrolunmayan bir nokta üzerinde tevakkuf etmek istiyoruz ki, o da bazı merâkiz ve şuʻabâtda Hilâl-i Ahmer'in umde-i mesâʻîsi lâyıkıyla takdîr edilmeyerek cemʻiyetin makâsıd ve vezâifi hâricinde şeylere faʻâliyetin ve muʻâvenetin teşmîl ve temdîd olunmasıdır. Bazı merkezlerde