HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2311 1-Samsun İmdâd-ı Sıhhî Heyʼeti'ne âid eşyânın heyʼetin mahall-i mürettebine gitmesinden son- ra [69] vâsıl olması ve bu yüzden hâricden mübâyaʻât icrâsına mecbûriyet husûle gelmesi iddiʻâsı üzerine tahkîkât yapdık. Mezkûr heyʼetin de, eşyâsının da aynı vapurla hareket etdiğini ve esâsen bu heyʼetlere meʼkûlâtdan başka şey mübâyaʻasına salâhiyet verilmemek usûl ittihâz edildiği cihetle bu iddiʻânın vüsûkuna imkân olmadığını tesbît etdik. 2-Selanik'de mübâdillere ekmek tevzîʻi mesʼelesinde mahallinde ucuz fiyâtla ekmek verilmesi teklîf edildiği hâlde merkezden un gönderilerek orada ekmek yapdırılmasında ısrâr olunduğu cihetle üç misli zarar hâsıl olduğu iddiʻâsı üzerine de tahkîkât icrâ etdik. Evrâk-ı muhâbereyi celb ve tedkîki- mizde böyle bir teklîf ve imkâna dâir merkeze bir işʻâr vâkiʻ olduğunu gösterir bir iz bulamadığımız gibi orada un piyasasının telgrafla tahkîk edilerek buraya nisbetle daha pahalı olduğu anlaşılması üzerine buradan aynen sevkiyât yapıldığına da muttaliʻ olduk. 3-Gülhane İmdâd-ı Sıhhî Heyʼeti'ne vaktiyle anbârdan verilen patates, soğan vesâire levâzım-ı gıdâiyenin ekseriyâ bozuk olduğunu ve bazen beşde dört nisbetinde zâyiʻât verdiğini haber alarak buna dâir de tahkîkâtda bulunmak istedik. Ancak geçmiş bir zamânda sarf olunmuş erzâkın mâhiyeti hakkında katʻî bir fikir almak imkânsızlığı karşısında bir-iki zâtın iddiʻâsına yukarıda zikri geçen heyʼet idâre karârı mûcebince patateslerin bir kısmının fenâlığından dolayı imhâ edilmesi ve yine bir heyʼet-i idâre karârında Kalikratya'daki muhâcirlere verilecek patateslerin, anbârdakilerin bozulması ihtimâline binâen hâricden satın alınıp gönderilmesinden bahsedilmesi gibi emârâtı da ilâve ederek şikâyet olunan bu hâlin vukûʻuna bir zann-ı gâlib hâsıl etdik. Bu küçük ve ferʻî şeylerden sarf-ı nazar Hilâl-i Ahmer bu mühim vazîfeyi, alâkadâr makâmla- rın takdîr ve teşekkürünü ve bizzât mübâdillerin şükrânını mûcib olacak sûretde yapdığı ve farazâ en büyük irkâb iskelesi olan Selanik'de ecnebî şahısların ve müesseselerin bile takdîrâtını celb etdiği bir hakîkatdir. Kurtarılan memleketlere imdâd heyʼetleri vesâir mıntıkalardaki muʻâvenetler Kurtarılan memleketlerdeki imdâd ve inşâât heyʼetlerinin asıl faʻâliyeti 1338 [1922] senesine âid olup bunlar mesâʻîlerine 1339 [1923] senesinin bir kısmında da devâm ile elbise ve erzâk tev- zîʻâtında ve baraka inşââtında bulunmuşdur. Sâir mıntıkalardaki muʻâvenetlere gelince; bunların heyʼet-i mecmûʻası da mühimce bir mik- dâra bâliğ olmakda ve müessesenin vatanın her tarafındaki dert ü eleme bigâne kalmadığını göster- mekdedir. Çocuklara muʻâvenet ve verem barakaları Yukarıda maʻzeret esbâbıyla berâber arz etdiğimiz vechile çocuklara muʻâvenet faslında yapı- lan iş, yapılması lâzım gelene nisbetle hiç mesâbesindedir. Verem barakaları diye bahsolunan teʼsîsât ise Tıb Fakültesi yakınındaki metrûk barakalarda ya- tak vesâir levâzımıyla ilâcları Tıb Fakültesi'nden ve iʻâşe ve müteferrika masârıfı cemʻiyet tarafından teʼmîn edilmek üzere veremli hastaların tecrîden tedâvîsi maksadıyla vücûda getirilmişdir. Hilâl-i Ahmer iki sene zarfında bu iş için [70] sarfiyâtı, mecmûʻu iki bin liradan ibâretdir ve bu sene başında faʻâliyete hitâm verilmişdir.