HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2320 hiyeyi îfâ eden müessesâtın merkez-i umûmî deposundan verilen malzeme hâricinde sarf ve istihlâk eylediği levâzımla teşkîlâtları masârıfdır. 2-603.679 lirası da istîlâ gören Garbî Anadolu'ya [1]338 [1922] senesinde başlamış olan imdâd ve muʻâvenet mesâʻîsinin [1]339 [1923] senesi evâsıtına kadar devâm etmiş olması netîcesinde bu devre zarfında ihtiyâr edilen masârıfdır. Bu maksadla Uşak, Bilecik, Eskişehir, İzmir, Manisa, Aydın, Balıkesir, Bursa havâlîsinde îfâ-yı vazîfe eden imdâd heyʼetlerinin muhtâcîn [79] halka tevzîʻ etdiği kışlık melbûsât ve eşyâ ve mevâdd-ı gıdâiye ile merâkiz ve şuʻabâtın îfâ eyledikleri mahallî hizmet ve muʻâvenetlerin ve inşâ edilen 5.831 baraka ve meskenden [1]339 [1923] senesinde yapılan kısmının kıymet-i umûmiyeleriyle dispanserlerin teşkîlât masrafı yekûnudur. 809.969 lirası mübâyaʻâta sarf edilmişdir ki, kıymet-i umûmiyesi cemʻiyetin ayniyât sermâye- sine inzimâm eylemiş demekdir. 3-[1]339 [1923] senesi mübâyâtın bâliğ olduğu 504.764 liradan 176.926 lirası kuvâ-yı iʼtilâfi- yeden alınan eşyânın bu seneye müteʻallik kısmına ve 21.098 lirası o târîhde hâl-i faʻâliyetde bulunan Hilâl-i Ahmer müessesâtı ihtiyâcâtı için Bulgaristan'dan mübâyaʻa edilen buğdaylara ve mütebâkîsi de kezâlik cemʻiyet müessesâtına müfîd ve lâzım olan eczâ ve levâzım-ı sâireye hasr u sarf edilmişdir. [1]340 [1924] senesi zarfındaki mübâyaʻâtın bâliğ olduğu 305.205 liradan 103.238 lirası kuvâ- yı iʼtilâfiyeden alınan eşyânın sene-i mezkûre zarfında mahsûb edilen kısm-ı mütebâkîsi ve 253.134 lirası da sıhhiye ve mübâdele vekâletleri ve sıhhiye-i askeriyece vâkiʻ olan taleb üzerine mübâyaʻa ve komprime hâline baʻde'l-ifrâğ bedeli mukâbilinde iʻtâ edilen kinin esmânı, 20.152 lirası mübâyaʻa edilen 150 ton buğday esmânı ve mütebâkîsi de anbârlar nevâkısının ikmâli zımnında alınan mütefer- rik eşyâ ve levâzım kıymetidir. [1]339 [1923] senesi meclis-i umûmîsince kasd-ı ticâretle mübâyaʻâtda bulunulmaması hak- kında müttehaz karâr nokta-i nazarından dahi mübayâʻat umûru tedkîk edildikde bu maksadla bir gûnâ mübâyaʻâtda bulunulmadığı anlaşılmış ve yalnız merkez-i umûmînin 11 Kânûn-ı Evvel [1]340 [Aralık 1924] târîhli ictimâʻında müttehaz Hilâl-i Ahmer anbârındaki zehâir yekûnunun azalmasını ve muhâcirler için şimdiye kadar muhtelif sâhalarda yapılmış olan muʻâvenâtın bundan sonra da ve bilhâssa iʻâşe sâhasında temâdîsine mecbûriyet hâsıl olacağı ve muhtelif âfât ve mesâib zuhûrunda Hilâl-i Ahmer'in erzâk tevzîʻ sûretiyle ahâlîye muʻâvenet mecbûriyetinde bulunacağı ve un fiyâtla- rının gitdikçe tezâyüd etdiği gibi esbâb-ı mûcibeye müstenid karâr üzerine sene-i mezkûre nihâye- tinde 150 ton buğday mübâyaʻa edilmişdir. Mezkûr buğdayların mübâyaʻasına sâik olan esbâbın le- hü'l-hamd tahakkuk etmemesine binâen ahîren elden çıkarıldığı ve bi'n-netîce bedel-i mübâyaʻa olan 53.334 lira ile satış bedeli olan 52.357 lira arasında 977 lira bir fark-ı zarar hâsıl olduğu görülmüşdür. 4-Masârıf-ı umûmiyeden şâyân-ı ehemmiyet ve kayıd görülen aksâmı ber-vech-i bâlâ arz edil- mişdir. Masârıf-ı mezkûreye mukâbil iki senelik başlıca envâʻ-ı vâridât şunlardır: Lira İʻânât 876.936 Satış hâsılâtı 691.841 Fâiz 18.302 Âidât 1.939 Cemʻ-i iʻânât heyʼetleri vâridâtı 35.401