HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2321 Müsâmere hâsılâtı 19.151 Çiçek günleri 29.550 Pul hâsılâtı 39.756 Vâridât-ı sâire 134.943 Sarf olunan eşyâ ve levâzım kıymeti 924.832 Ki, cemʻan 2.772.658 liraya bâliğ olmuşdur. Masârıf-ı umûmiyeye nazaran vâridât-ı umûmiye [80] 342.890 lira noksân tahassul etmiş ve işbu noksân ihtiyât akçesinden ale'l-usûl tesviye edilmişdir. 5-876.936 liraya bâliğ olan iʻânâtın 236.571 lirası merkez-i umûmînin memâlik-i ecnebiyeden istihsâl etdiği kısmını, 608.865 lirası da merâkiz ve şuʻabâtı vâsıtasıyla ve memleket dâhilinde doğ- rudan doğruya cibâyet eylediği kısmı ile 31.500 lira kıymetinde Amerika Şark-ı Karîb Heyʼeti'nden teberruʻ edilen Küçük Zâbit Mektebi binâsındaki teʼsîsât teşkîl eder. Hâricî iʻânât hadd-i zâtında vukûʻuna tâbiʻ cemʻiyetçe devâmlı bir sûretde mesâʻî sarfıyla tez- yîdi gayr-ı mümkin olmakla berâber bu son iki sene zarfında merkez-i umûmî memleketde hâdis olan mesâibi vesîle ittihâz ederek Beynelmilel Salîb-i Ahmer vâsıtasıyla bi'l-umûm Salîb-i Ahmerlerden muʻâvenet taleb etmiş ve bu teşebbüs şâyân-ı memnûniyet bir netîce vermişdir. Bundan mâʻadâ Ame- rika'daki Türk vatandâşlarımız arasında cemʻiyete karşı ara sıra ızhâr edilmiş olan âsâr-ı teveccüh ve muzâheretden de aʻzamî istifâdeye müsâraʻat olunarak oralardaki Türk câmiʻasının temâyülât ve hissiyâtını tatmîn edebilecek tarzda bir taʻlîmâtnâme ihzâr ve aralarında bir teşkîlât-ı mahsûsa vücû- da getirilmişdir. Bu mesâʻî netîcesinde cemʻiyete yalnız Detroit şehrinden aded-i aʻzâsının azlığına rağmen 20.063 lira vâridât teʼmîn edilmişdir. Memâlik-i ecnebiyenin her köşesinden gelen iʻânâta velev mikdârı cüzʼî dahi olsa makbûzlarını teşekkür mektûblarıyla birlikde derhâl göndermek ve müteberriʻlerin isimlerini ve bazen fotoğrafî- lerini Hilâl-i Ahmer Mecmûʻası ile neşir ve iʻlân eylemek husûsunda en ufak bir ihmâle meydân ve- rilmemiş olması hâricin emniyet ve iʻtimâdını tezyîd ve hissiyât-ı semâhatkârâneyi tahrîk husûsunda müessir bir âmil olduğunun lâyıkıyla takdîr edildiğini gördük. 6-Arz etdiğimiz yekûn şâyân-ı memnûniyet olmakla berâber Hilâl-i Ahmer'in iktisâb etdiği te- veccüh ve iʻtimâd-ı umûmînin derecesiyle kıyâs edildikde az görülmelidir. Bunun esbâb u avâmilini bilhâssa tedkîk ve taharrî eden encümenimiz halkın çok necîb ve yüksek olan hissiyât-ı insâniyet-per- verânesinden lâyıkıyla istifâde edebilecek merkez ve şuʻbe teşkîlâtının maksadı tamâmen teʼmîne kâfi bir vazʻiyetde bulunmamasıdır. Merkez-i umûmî raporunun kısm-ı mahsûsunda bu noktaya temâs ederek meclis-i âlîlerinin nazar-ı dikkatini celb etmişdir. Bazı merkezlerimiz istisnâ edilirse denilebilir ki, kısm-ı aʻzamının tarz-ı faʻâliyeti hem gayr-ı kâfi hem de ale'l-ekser usûl ve kavâʻid-i mevzûʻaya münâfîdir. Bu husûsda merkez-i umûmînin de- faʻât ile tahrîrât-ı umûmiyeler ve sehlü't-tatbîk bir taʻlîmâtnâme tanzîm ederek gönderdiği ve muʻâ- melât-ı umûmiyelerinin yeknesaklığını bir intizâm dâiresinde teʼmîn için muktezî defâtir ve evrâk-ı matbûʻayı ihzâr ve adedi 363'e bâliğ olan mülhakâtına irsâl eylediği hâlde mülhakâtının yarısından ziyâdesinden muntazaman hesâb ve tarz-ı faʻâliyetlerinden maʻlûmât alamamışdır. Cemʻiyetin sermâye-i muvaffakiyâtı, bilhâssa memleket dâhilindeki teşkîlât-ı umûmiyesinin merkez-i umûmîlerinden alacakları veche dâiresinde ve mevzûʻât-ı cemʻiyete tebaʻiyetle aʻzamî