HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2322 mesâʻî ve fedakârlık göstermesindedir. Bu nokta-i nazardan Türkiye Cumhûriyeti dâhilindeki Hilâl-i Ahmer teşkîlâtını bi-hakkın temsîl eden heyʼet-i celîleden müfîd bir karâr ittihâzını ricâ ederiz. 7-Cemʻiyetin iki senelik satış muʻâmelâtı [81] 691.841 lira gibi mühim bir yekûne bâliğ olmuş- dur. Üç yüz otuz dokuz senesi zarfında ârızî olan bu vâridât kuvâ-yı iʼtilâfiyeden alınan ve muhte- viyâtı arasında cemʻiyetin muhtâc olmadığı birçok kalemleri ihtivâ eden eşyânın satılmasından tezâ- yüd etmişdir. Bu eşyânın arkası alınıncaya kadar satışa devâm edileceği cihetle encümenimiz bu muʻâmele- nin tarz-ı cereyânını ayrıca tedkîk etmişdir. Merkez-i umûmî satışı tesrîʻ ve teshîl için evvelâ Sultanahmed Câmiʻi içinde bir sergi vücûda getirmiş olup el-yevm devâm etmekde olan bu sergide şimdiye kadar 81.967 lira hâsılât almışdır. Bundan mâʻadâ Çırağan deposunda cemʻ ve tasnîf edilen ve kıymetleri bir komisyon-ı mahsûs tara- fından ve bazen de ehl-i hibrenin iştirâkiyle takdîr etdirilen toplu satışı, heyʼet-i idâre karârlarıyla ve bedeli merkez veznesince alınmak sûretiyle icrâ edilmekdedir. Gerek serginin ve gerek Çırağan deposunun merkez-i umûmî muhâsebesince satış muʻâme- leleri sıkı ve muntazam bir usûle tebaʻan murâkabe edilmekdedir. Encümenimiz cemʻiyete mühim menâfiʻ teʼmîn etmiş olan bu eşyânın sûret-i fürûhtu için muhâsebece tatbîk edilmekde olan usûl-i murâkabenin selâmetine kanâʻat getirmişdir. 8-Âidât Cemʻiyetin milyonları tecâvüz eden vâridât ve sarfiyâtı arasında âidât faslının hizâsında göste- rilen rakam cidden mûcib-i teessürdür. Her ne kadar İstanbul'da teşkîl edilen cemʻ-i iʻânât heyʼetleri- nin mesâʻîsiyle iki sene zarfında 35.401 lira muʻâvin aʻzâ âidâtı cibâyet edilebilmiş ise de bu netîce maksadımızı teʼmînden çok uzakdır. Bu husûsda şimdiye kadar ne merkez-i umûmî ve ne de mer- kezler ve şuʻbelerimiz lâyıkıyla sarf-ı mesâʻî etmemişlerdir. Baʻdemâ bi'l-umûm teşkîlât cemʻiyetin, Hilâl-i Ahmer'in mâddî ve maʻnevî kuvvetinin üssü'l-esâsı olan "aʻzâ"nın adedini tezyîd ve teksîre çalışmaları iktizâ eder. 9-Pul Hâsılâtı Pulların mühim bir menbaʻ-ı vâridât hâlini almak istiʻdâdında bulunduğu hakkındaki merkez-i umûmî mütâlaʻasının isâbetini teʼyîd eylemekle berâber eczâhânelerde mecbûriyyü'l-istiʻmâl olan "dâhilî ve hâricî" ibâreli matbûʻ etiketlerin Hilâl-i Ahmerce iʻmâl ve eczâhânelere muʻayyen bir bedel mukâbilinde tevzîʻ edilmesi ve bunun her yerde istiʻmâlinin taht-ı teʼmîne alınması mütâlaʻasını ilâve ederiz. Cemʻiyetin vâridât-ı sâiresi, teʻâmülen teessüs eden eyyâm-ı mahsûsadaki teşebbüsâtı netîcesi- dir ki, bu husûsda lâyıkıyla çalışıldığı hesâb-ı katʻiyedeki netîceden anlaşılır. Cemʻiyetin [1]340 [1924] senesi nihâyetindeki vazʻiyet-i mâliyesini gösteren bilanço ve hesâb-ı katʻîler müfredâtı birer birer defâtir-i esâsiye muhteviyâtıyla tatbîk ve lüzûm görülen vesâik ve ev- râk-ı müsbete nazar-ı tedkîkden geçirilmiş ve bi'n-netîce muhâlif-i usûl bir muʻâmele görülmemişdir. Encümenimiz bu netîceyi şâyân-ı memnûniyet görmekle berâber bilanço muhteviyâtından bazı mevâd hakkında serd-i mütâlaʻaya lüzûm görmüşdür: