HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2323 1-Osmanlı Bankası ihtiyât kasasında mevcûd gösterilen 10.076 lira evrâk-ı nakdiye olmayıp altındır. Bu altınlar mukaddemâ cemʻiyetin idâre-i merkeziyesindeki ihtiyât kasasında mahfûz iken bilâhare berây-ı muhâfaza bankaya nakledilmiş [82] ve el-ân muhâfaza edilmekde bulunmuşdur. Mezkûr tevdîʻâta fâiz alınmadığını nazar-ı iʻtibâra alan encümenimiz bunların Türk evrâk-ı nakdiye- sine tahvîliyle yüzde dört fâizle bankaya tevdîʻinin mûcib-i fâide olacağı kanâʻatindedir. Esâsen merkez-i umûmînin Mâliye Encümeni de bu ciheti nazar-ı iʻtibâra almış ise de onlar mezkûr altınlarla aynı derecede kıymetli olan İngiliz kambiyosu mübâyaʻasını ve bu sûretle yeniden açılacak ve yüzde dört fâiz teʼmîn edebilecek olan İngiliz lirası depo hesâbına naklini tensîb etmiş- lerdir. Bu husûsdaki mütâlaʻamızla merkez-i umûmî Mâliye Encümeni'nin nokta-i nazarından birinin tercîhini heyʼet-i umûmiyenin reʼy ve takdîrine terk ederiz. 2-Osmanlı Bankası vaʻdesiz depo hesâbında görülen 23.684 lira dahi bilâ-fâiz tutulan ve aynen muhâfaza edilmekde bulunan 23.644 aded altı aylık ve kırk aded Osmanlı Bankası varaka-i nakdi- yesidir. Altı aylık evrâk-ı nakdiyenin sâirlerine nazaran hiçbir farkı olmadığı nazar-ı iʻtibâra alınırsa bilâ-nemâ hıfz edilmesinde hiçbir fâide görülmemişdir. Bunların da vaʻdeli tevdîʻât meyânına nakli mütâlaʻasındayız. Bu sûretle tedkîkâtını ikmâl eden encümenimiz berây-ı kabûl heyʼet-i aliyyelerine takdîm edil- miş olan [1]339 [1923] ve [1]340 [1924] seneleri hesâb-ı katʻîleri muhteviyâtı olan; a) Alelâde büdce sarfiyâtının 80.983 lira 9 kuruş 350 m. b) Alelâde büdce vâridâtının 279.049 lira 17 kuruş 875 m. c) Fevkalâde büdce sarfiyâtının 3.034.566 lira 48 kuruş 862 m. d) Fevkalâde büdce vâridâtının 2.493.310 lira 84 kuruş 712 m. kabûlüyle işbu vâridât ve sar- fiyâtdan dolayı merkez-i umûmînin tebriyesi ve [1]340 [1924] senesi bilançosunun tasdîki lüzûmunu teklîf eyleriz. Mütâlaʻa.- [1]339 [1923] senesi meclis-i umûmîsince müntehab Mâliye Encümeni'nin netîce-i tedkîkâtını mübeyyin olarak tanzîm etdiği raporu da nazar-ı dikkate alan encümenimiz, cemʻiyetin usûl-i hesâbi- yesinin tamâmıyla mazbût ve muntazam bir şekil irâʼe etdiği ve teşkîlât ve muʻâmelâtın vüsʻat ve kesretine rağmen muhtelif hesâbâtın teʼsîs ve tahrîri ve evrâk-ı müsbetenin tanzîm ve dosyalarında hüsn-i muhâfazasında ilmî bir usûle tebaʻan cereyân etdirildiğini ve bu hâlin tedkîk-i muhâsebe nok- ta-i nazarından büyük sühûleti mûcib olduğu ve merkez-i umûmî muhâsebe müdüriyetinin cemʻiyetin bi'l-umûm merâkiz ve şuʻabâtıyla müessesâtının muʻâmelât-ı umûmiyelerini tanzîm ve murâkabe husûsundaki saʻy ü ihtimâmıyla gâyesini bi-hakkın teʼmîne muvaffak olduğu hakkındaki mütâlaʻâtın isâbetini encümenimiz tedkîkât ve müşâhedâtına istinâden bir kere daha teʼyîd ve heyʼet-i umûmiyesi iʻtibârıyla cemʻiyetin umûr-ı hesâbiyesini şâyân-ı takdîr bulduğunu ve bu intizâmı teʼmîn eden Muhâ- sebe Müdürü Bedri Nedim Bey'le rüfekâ-yı mesâʻîsinin taltîflerini arz eyleriz. [1]341 [1925] Senesi Meclis-i Umûmîsi Mâliye Encümeni Meclis-i Umûmî-i Vilâyet aʻzâsından ve tüccârdan Haydar Muhyiddin, Çatalca Mebʻûsu Şakir, Feyziye Lisesi Müdürü Muʻallim Nakiye, Cemʻiyet-i Umûmiye Belediye aʻzâsından Abdurrahman Naci