HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2327 Meclis-i umûmîmizin çok kıymetli teveccüh ve iʻtimâdına istinâd eden yeni merkez-i umûmî heyʼeti fâtiha-i mesâʻî olarak Hilâl-i Ahmer'in muhterem ve asîl mensûbînini kemâl-i hürmet ve samî- miyetle selâmlar. Cemʻiyet, on beş senelik hayât-ı mesâʻîsinde her gün mütezâyid bir sûretde tecelli eden hidemât ve muvaffakiyâtıyla her ferd-i milletin kalbinde derin bir hiss-i takdîr ve teveccüh uyandırmış ve intizâm-ı mesâʻîsiyle de bu takdîr ve teveccühe kesb-i liyâkat etdiğini isbâta çalışmışdır. Senelerden beri yekdiğerini taʻkîb eden mütevâlî âfât ve mesâibin tevlîd etdiği müşkilâta rağmen idâme-i mevcû- diyet ve iktisâb-ı kuvvet ü rasânete muvaffak olan Hilâl-i Ahmer Cemʻiyeti'nin az zamân zarfında en mütekâmil milletlerin Salîb-i Ahmerlerine hüsn-i misâl olacak bir derece-i kemâle ermek istiʻdâdında bulunduğunu ve bu gâyeye vusûl için el-yevm derʻuhde-i mesʼûliyet etmiş olan merkez-i umûmînizin yorulmak bilmez bir saʻy ü ihtimâm ve metîn bir hiss-i fedâkârî ile çalışmağı çok şerefli bir vazîfe addeylediklerini teʼmîn eylerim. Meclis-i umûmî cemʻiyetin nizâmnâme-i esâsîsini ihtiyâcât-ı hâzıraya göre gayr-ı kâfi ve şim- diye kadar teşkîlât-ı umûmiyesinden lâyıkıyla istifâdeye mâniʻ gördüğünden hem merkez-i umûmî- nizin mesâʻîsini tanzîm hem de merâkiz ve şuʻabâtımızın arzu ve temâyülâtını tatmîn edici esâslara müstenid olarak yeni bir nizâmnâme vücûda getirmiş ve heyʼet-i umûmiyece tasvîb olundukdan son- ra berây-ı tasdîk heyʼet-i vekîle riyâset-i celîlesine takdîm eylemişdir. Karîben mevkiʻ-i merʻiyete vazʻ edilecek olan yeni nizâmnâmemizin sûret-i tatbîkiyesini teshîl için lâzım gelen taʻlîmâtnâme ve îzâhnâmeler peyderpey ihzâr ve irsâl edilecekdir. Öteden beri Hilâl-i Ahmer'in teʼmîn-i muvaffakiyeti uğrunda mesbûk olan çok kıymetli himmet ve muzâheretin bundan sonra da mütezâyid bir arzu ve alâka ile ibrâz buyurulmasını bütün mesâʻî arkadâşlarımızdan bilhâssa ricâ eder ve bi'l-vesîle hürmet-i mahsûsamızı teʼyîd eyleriz. Hilâl-i Ahmer Merkez-i Umûmîsi nâmına Reîs-i Sânî [87] Yeni Heyʼet-i Merkeziye Merkez-i umûmî aʻzâsının müctemiʻan meclis-i umûmîye istiʻfâsını takdîm etmesi üzerine meclis-i mezkûrca icrâ kılınan intihâbât netîcesinde zevât-ı âtiye ihrâz-ı ekseriyet etmişdir: Ahmed Fikri Beyefendi Sıhhiye Vekâleti Müsteşârı Tevfik Beyefendi İçel Mebʻûsu Tevfik Kâmil Beyefendi Hâriciye Vekâleti Müsteşârı Hakkı Şinasi Paşa hazretleri İstanbul Mebʻûsu Hasan Beyefendi Mâliye Vekîli Hulusi Beyefendi Sâbık Garb Cebhesi Sıhhiye Reîsi Rasim Efendi, Attârzâde Tüccâr Rahmi Beyefendi Sivas Mebʻûsu Rifat Efendi hazretleri Diyânet İşleri Reîsi Reşid Galib Beyefendi Aydın Mebʻûsu Refik Beyefendi İstanbul Mebʻûsu ve Sıhhiye ve Muʻâvenet-i İctimâʻiye Vekîli Refik Beyefendi Konya Mebʻûsu Cemal Bey, Nemlîzâde Tüccâr