HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2329 Beynelmilel Salîb-i Ahmer Komitesi'nin Teşekker Mektûbu Cenevre Beynelmilel Salîb-i Ahmer Komitesi'nin masârıf-ı idâriyesine Salîb-i Ahmer Cemʻi- yetleri misillü her sene muzâheret-i mâliyede bulunan Hilâl-i Ahmer Cemʻiyeti bu sene irsâl etdiği 8.000 İsviçre frangından dolayı mezkûr komiteden tercemesini aşağıya derc etdiğimiz teşekkür mek- tûbunu almışdır: 28 Temmuz 1925 târîhiyle Hilâl-i Ahmer'e vârid olan mektûbun tercemesidir. Reîs beyefendi, Kâtib-i umûmînizin 14 Temmuz târîhli mektûbuyla mezkûr mektûbda Beynelmilel Salîb-i Ah- mer Komitesi'nin 1925 senesi masârıfâtına Hilâl-i Ahmer'in hisse-i iştirâki olarak gönderildiği bildi- rilen sekiz bin İsviçre frangını ahz etdiğimizi arz ile şerefyâb oluyoruz. Büdcemiz masârıfına, bir nisbet-i azîmede iştirâk eden Hilâl-i Ahmer'e karşı minnet ve şükrân hisleriyle mütehassis bulunuyoruz. On Birinci Konferans tarafından millî Salîb-i Ahmerlerin Beynelmilel Salîb-i Ahmer Komite- si'ne muzâheret-i mâliyede bulunulması tavsiyesine dâir ızhâr olunan 4 numaralı temenniyâta kemâl-i hulûs ve samîmiyetle imtisâl eden Türk Hilâl-i Ahmeri, komitemize konferansların tevdîʻ etdiği vezâifin îfâsında gösterdiği teshîlâtın derecesini takdîrât-ı mahsûsa ile yâd ederiz. Cemʻiyetiniz nezdinde Beynelmilel Salîb-i Ahmer Komitesi'nin tercümân-ı hissiyâtı olmanızı ve gâyet amîk olan şükrân u mahmidetimizi heyʼet-i muhteremenize bir kere daha tekrâr etmenizi ricâ ederken ihtirâmât-ı fâikamız hakkındaki teʼmînâtın lütfen kabûl buyurulmasını istirhâm eyleriz, efendim. [89] Hilâl-i Ahmer Meclis-i Umûmîsi Reîs-i Sânîsi Refik İsmail Beyefendi Refik Ismail Bey, Vice-Président du Congrès du Croissant-Rouge Menteşe Vilâyeti Hanımlar Merkezi Reîsesi ve Vilâyet Hilâl-i Ahmer Merkezi Murahhası Nuriye Abdüssamed Hanımefendi Présidente du Comité des Dames et déléguée de Ménteché