HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2338 Avusturya Devlet idâresinde bulunan şimendiferlerle birçok nakliyât şirketleri âfât ve mesâib vukûʻunda Salîb-i Ahmer meʼmûrlarının bilet ücûrâtında mühim tenzîlât icrâsına ve cemʻiyete âid malzemenin naklinde de ayrıca yüzde otuz tenzîle muvâfakat etmişlerdir. Çin 1924 senesi nihâyetinde Çin Salîb-i Ahmeri'nin merâkiz ve şuʻabâtı üç yüz on üçe bâliğ olmuş- dur. Yirmi yedi merkez de teşekkül etmek üzeredir. El-yevm Çin Salîb-i Ahmeri, 313 aʻzâ-yı fâhireye, 1929 murahhas aʻzâya ve 46.634 aʻzâ-yı muntazamaya, 8.270 alelâde, 4.180 nâmzed aʻzâya mâlikdir. Danimarka Danimarka Salîb-i Ahmer Hanımlar Merkezi'nin yirmi beşinci sene-i devriyesi geçen 25 Ni- san'da merâsim-i mahsûsa ile icrâ edilmişdir. Danimarka Salîb-i Ahmeri'nin faʻâliyet-i umûmiyesine iştirâk eden hanımlar merkezi bilhâssa Samaritenler ve Hastabakıcı Muʻâvinleri Teşkîlâtı'na fazla ehemmiyet vermekde ve harb zamânında hastahâne depolarına nezâret ve hengâm-ı sulhda bu depolardan aʻzamî istifâde teʼmîn etmekdedir. Adedi otuz beşe bâliğ olan hanımlar merâkiz ve şuʻabâtı vâlide-i hükümdârînin himâye-i âli- yesindedir. Yunan Salîb-i Ahmer Heyʼet-i İttihâdiyesi'ne Yunan Salîb-i Ahmeri tarafından teblîğ edilen raporun mühim addetdiğimiz nukâtını aşağıya derc ediyoruz: Yunan Salîb-i Ahmer Merkez-i Umûmîsi henüz merkez ve şuʻbe teşkîl edilemeyen mevâkiʻde sıhhiye müfettişlerine heyʼet-i tedrîse ve ruhbân sınıfından istifâde etmekde ve Salîb-i Ahmer vezâif-i sulhiyesine dâir tabʻ etdirdiği risâleleri memleketin her tarafına göndermekdedir. Emrâza ve bilhâssa vereme karşı faʻâlâne mücâdelesini halk hıfzıssıhha neşriyâtıyla teʼmîn etdiği gibi halk lisânıyla yazılmış şimdiye kadar on yedi eser neşretmişdir. Genç vâlidelerle hâmillere hıfzıssıhha kursları [95] tertîb etmiş ve ayrıca amele muhîtinde ve halk kitleleri arasında hıfzıssıhha mevzûʻlarına dâir konferanslar verdirmekdedir. Sunûf-ı mütevassıta-i halk için birçok etıbbânın muʻâvenet-i kalemiyesiyle haftada iki defa Sıh- hat nâmıyla neşrolunan bir mecmûʻa da Yunan Salîb-i Ahmer Merkez-i Umûmîsi'nin idâresindedir. "Salîb-i Ahmer Günü" her sene 1.500.000 drahmi teʼmîn etmekdedir. Gençlik Salîb-i Ahmeri mâddeten ve maʻnen merkez-i umûmînin zîr-i himâyesinde olup büd- cede gençliğe tahsîs edilen 16.000 drahmi kifâyet etmediği takdîrde açık merkez-i umûmîce kapatıl- makdadır.