HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2358 Celse 2 Reîs: "-Celseyi açıyorum, efendim. Nizâmnâme müzâkerâtına devâm ediyoruz. Efendim, 61'inci ve elli sekizinci mâddeyi encümen iʻâde ediyor". Hakkı Şinasi Paşa: "-61'inci mâddenin fıkrasını karâr vechile Remzi Beyefendi ile [106] bi'l-müzâkere halletdik, efendim. Mâdde hemen aynen kalıyor. Yalnız bazı ilâvât ile şu şekli alıyor: Mâdde 61- Merkez-i umûmî; 1-Cemʻiyete âid bütün müessesât ve muʻâmelâtı tedvîr ve murâkabe 2-Merâkiz ve şuʻabât teşkîlâtını tedkîk ve bunların muʻâmelâtını tanzîm ve teftîş ve tasdîk 3-Cemʻiyet aʻzâlarının tekessürü ve vâridâtın tezyîdi çârelerini taharrî 4-Vâridât-ı cemʻiyeti ahz u cibâyet ve büdceyi tatbîk 5-Beynelmilel Salîb-i Ahmer Konferansı mukarrerâtından Hilâl-i Ahmer vezâifine âid olanları nazar-ı dikkate almak 6-Nizâmnâme-i esâsîde taʻdîlât icrâsı veya nizâmnâme-i esâsînin tecdîdi iktizâ eylediği tak- dîrde bunları bi't-tanzîm meclis-i umûmîye sevk ve cemʻiyete âid taʻlîmâtnâmeleri tanzîm ve bunları tatbîk ve baʻdehû meclis-i umûmînin tasdîkine iktirân etmek üzere nizâmnâme-i esâsîyi tefsîr 7-İnde'l-hâce meclis-i umûmîyi fevkalâde ictimâʻa daʻvet 8-Meclis-i umûmîye verilecek senelik raporu ve büdce lâyihasını tanzîm 9-Heyʼet-i idârenin teklîfi üzerine rüesâ-yı meʼmûrîn ve müfettişleri nasb u azl 10-Hastabakıcı mektebleri teʼsîsi 11-Lâyık gördüklerine takdîrnâme iʻtâ ve nizâmnâmesi mûcebince madalya ile taltîfi iktizâ edenler hakkında müttehaz karârları irâde-i milliyeye iktirân etdirilmek üzere icrâ vekîlleri heyʼeti riyâsetine takdîm eder " . Reîs: "-Bu şekli kabûl buyuranlar lütfen el kaldırsın. (Eller kalkar.) Kabûl olundu". Hakkı Şinasi Paşa: "-58'inci mâdde bidâyeten encümenin kabûl etdiği şekilde kalıyor. Yani an- bârlar ve müessesât murâkıbı kemâ fi's-sâbık mâddede kalacak". Reîs: "-Bu sûretle kabûl buyuranlar el kaldırsın. (Eller kalkar.) Kabûl olundu". Hakkı Şinasi Paşa: "-Ömer Lütfi Beyefendi tarafından mevâdd-ı umûmiyenin son mâddesini teşkîl etmek üzere merkez-i umûmî aʻzâlarına dâir bir teklîfde bulunulmuşdu. Onu bir mâdde hâlinde şu sûretle tesbît etdik: Merkez-i umûmî aʻzâları cemʻiyete âid dâimî bir meʼmûriyet kabûl etdikleri takdîrde aʻzâlık sıfatı zâil olur " . Reîs: "-Kabûl edenler el kaldırsın, efendim. (Eller kalkar.) Kabûl olunmuşdur, efendim". Mâdde 86- Nizâmnâmenin 62 ve 63'üncü mâddeleri vilâyet heyʼet-i merkeziyeleri hakkında dahi cârîdir. Kabûl buyuranlar el kaldırsın. (Eller kalkar.) Kabûl olundu. Mâdde 87- Vilâyet heyʼet-i merkeziyeleri vezâifi: 1-Kendi idârelerinde bulunan müessesâtı tedvîr