HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2361 senelik ictimâʻlarını akdederler. Mâddeyi kabûl buyuranlar el kaldırsın. (Eller kalkar.) Kabûl olundu. Mâdde 94- Kazâ şuʻbe meclis-i umûmîleri 1) Sene-i âtiye büdcesini tedkîk, 2) Sekiz zâtdan mü- rekkeb kazâ şuʻbe heyʼetlerinin kurʻa ile çıkacak üç aʻzâsı yerine reʼy-i hafî ile yenilerini intihâb ve berây-ı tasdîk vilâyet merkezine arz, 3) Hilâl-i Ahmer menâfiʻine âid teklîfâtı müzâkere ve bu bâbdaki karârları vilâyet merkezlerine irsâl, 4) Hilâl-i Ahmer'e fevkalâde hizmet edenlerin taltîflerini esbâb-ı mûcibesiyle birlikde vilâyet merkezine inhâ eder " . Hüseyin Bedreddin Bey: "-Kazâlardan vilâyet meclis-i umûmîlerine intihâb olunacak murah- haslar hakkında bir kayıd yokdur, efendim." Hakkı Şinasi Paşa: "-Onun müşkil olduğu anlaşıldı da murahhasların vilâyet merkezince in- tihâbı ve fakat bunda maʻa-mülhakât vilâyet dâhilinde mevcûd aʻzâ nisbetinin nazar-ı iʻtibâra alınma- sı kabûl edildi. Onun için ayrıca bir kayıd yokdur, efendim". Reîs: "-Mâddeyi kabûl buyuranlar lütfen el kaldırsın. (Eller kalkar.) Kabûl olundu. Mâdde 95- Kazâ meclis-i umûmîleri tarafından reʼy-i hafî ile müntehab sekiz aʻzâ icrâ vazî- fesiyle mükellef olmak üzere aralarında bir reîs, bir veznedâr ve bir kâtibden ibâret olmak üzere heyʼet-i idâresini intihâb ve berây-ı tasdîk vilâyet heyʼet-i merkeziyesine arz eder. Mâddeyi kabûl buyuranlar lütfen el kaldırsın. (Eller kalkar.) Kabûl olundu. Mâdde 96- Nizâmnâmenin 62, 63'üncü mâddeleri kazâ şuʻbe heyʼetleri hakkında dahi cârîdir. Mâddeyi kabûl buyuranlar lütfen el kaldırsın. (Eller kalkar.) Kabûl olundu. Mâdde 97- Kazâ heyʼetleri 1) İdâresindeki teşkîlâtı teftîş ve muʻâmelâtını tanzîm ve olmayan mahallerde şuʻbeler teʼsîsi, 2) Cemʻiyete vâridât taharrî ve aʻzâ adedini teksîr, 3) Cemʻiyet vâri- dâtını ahz u cibâyet, 4) İnde'l-hâce meclis-i umûmîsini ictimâʻa daʻvet 5) Her sene meclis-i umûmîsi hitâmında vâridât, sarfiyât, icrâât ve muʻâmelâtını mübeyyin raporu vilâyet heyʼet-i merkeziyesine takdîm eder. Mâddeyi kabûl buyuranlar el kaldırsın. (Eller kalkar.) Kabûl olundu. Mâdde 98- Kazâ şuʻbe heyʼetleri efʻâl, icrâât ve sarfiyâtından merbût bulunduğu vilâyet heyʼet-i merkeziyesine karşı mesʼûldür. Kabûl buyuranlar lütfen el kaldırsın. (Eller kalkar.) Kabûl olundu. Mâdde 99- Nâhiyelerde şuʻbe açılmak için lâ-ekâl on aʻzânın vücûdu lâzımdır. Kabûl buyuranlar lütfen el kaldırsın. (Eller kalkar.) Kabûl olundu. Mâdde 100- Nâhiye meclis-i umûmîleri nâhiye dâhilinde mukayyed âmil aʻzânın ictimâʻıyla teşekkül eder. Reîs intihâb olununcaya kadar nâhiye şuʻbe reîsi idâre eder. Nisâb-ı ekseriyet tahakkuk ederse reʼy-i hafî ile bir reîs, bir kâtib intihâb olunur. Müntehab reîs celseyi açar ve idâre eder. Kabûl buyuranlar lütfen el kaldırsın. (Eller kalkar.) Kabûl olundu. Mâdde 101- Meclis-i umûmî aʻzamî iki günde vazîfesini ikmâl eder. Kabûl buyuranlar el kaldır- sın. (Eller kalkar.) [110] Kabûl olunmuşdur. Mâdde 102- 93'üncü mâddenin aynıdır. Yalnız yirmi aʻzâ yerine on aʻzâ bulunacakdır " . Reîs: "-Bu ne demekdir, efendim?" Hakkı Şinasi Paşa: "-93'üncü mâdde gibi yazılacakdır demekdir. İsterseniz aynen yazarız, efen- dim".