HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2362 Reîs: "-Tekrârında fâide vardır. Aynen yazılsın değil mi, efendim?" (Muvâfık sesleri) Mâddeyi ol sûretle kabûl edenler el kaldırsın. (Eller kalkar.) Kabûl olundu. Mâdde 103- Nâhiye şuʻbe meclis-i umûmîleri her Eylül'ün on beşinde ictimâʻlarını akdederler. Kabûl buyuranlar lütfen el kaldırsın. (Eller kalkar.) Kabûl olundu. Mâdde 104- Nâhiye meclis-i umûmîleri 1) O sene yapılan masrafı tedkîk, 2) Sene-i âtiyede ya- pılacak masraf hakkında maʻlûmât ahz, 3) Beş zâtdan ibâret şuʻbesi heyʼetinden kurʻa ile çıkarılacak iki zâtın yerine yenilerini reʼy-i hafî ile intihâb ve berây-ı tasdîk merbût bulunduğu şuʻbe heyʼetine irsâl, 4) Hilâl-i Ahmer menâfiʻine âid teklîfâtı müzâkere ve karârları kazâ şuʻbe heyʼetine arz eyler. Kabûl buyuranlar lütfen el kaldırsın. (Eller kalkar.) Kabûl olunmuşdur, efendim. Mâdde 105- Nâhiye meclis-i umûmîleri tarafından reʼy-i hafî ile müntehab beş aʻzâ kendi ara- larından icrâ vazîfesiyle mükellef olmak üzere bir reîs ve bir veznedâr ve bir kâtibden ibâret heyʼet-i idâriyesini intihâb ve berây-ı tasdîk merbût bulunduğu kazâ şuʻbe heyʼetine bildirir. Kabûl buyuranlar lütfen el kaldırsın. (Eller kalkar.) Kabûl olundu. Mâdde 106- Nizâmnâmenin 92-93'üncü mâddeleri nâhiye heyʼetleri hakkında dahi cârîdir. Ka- bûl buyuranlar el kaldırsın. (Eller kalkar.) Kabûl olundu. Mâdde 107- Nâhiye heyʼetlerinin vazîfesi 1) İdâresindeki şuʻabât teşkîlâtını tedkîk ve muʻâ- melâtını tanzîm ve şuʻbe olmayan yerlerde yenilerini teʼsîs, 2) Cemʻiyete vâridât taharrî, aʻzâsını teksîr ve vâridâtını ahz u cibâyet, 3) Kongresi hitâmında bir senelik icrâât, vâridât [ve] masârıfâtı bâ-rapor kazâ şuʻbe heyʼetine arz etmekdir. Kabûl buyuranlar lütfen el kaldırsın. (Eller kalkar.) Kabûl olunmuşdur, efendim. Mâdde 108- Nâhiye heyʼetleri efʻâl, icrâât ve sarfiyâtından merbût bulundukları kazâ şuʻbe heyʼetlerine karşı mesʼûldürler. Kabûl buyuranlar lütfen el kaldırsın. (Eller kalkar.) Kabûl olundu. Mâdde 109'da şuʻbe açılabilmek için lâ-ekal beş aʻzânın vücûdu lâzımdır. Kabûl buyuranlar lütfen el kaldırsın. (Eller kalkar.) Kabûl olunmuşdur, efendim. Mâdde 110- Köy (mahalle) meclis-i umûmîleri dâhilinde mukayyed âmil aʻzânın her sene Eylül bidâyetinde toplanmasıyla inʻikâd eder. İçlerinden bir reîs ve bir kâtib intihâb ederler ve müntehab reîs meclisi açar ve idâre eder ve müzâkerelerini bir günde ikmâl ederler. Kabûl buyuranlar lütfen el kaldırsın. (Eller kalkar.) Kabûl olundu. Mâdde 111- Vazîfeleri 1) Geçen sene yapılan masraf ile sene-i âtiyede yapılacak masrafı tedkîk, 2) Üç zâtdan ibâret heyʼetden kurʻa ile birini çıkarıp yerine diğerini reʼy-i hafî ile intihâb ve berây-ı tasdîk merbût bulundukları nâhiye heyʼetine arz etmekdir " . Salahaddin Bey: "-Masraf yapmak hakkı nâhiyelere bile verilmiyor, efendim. Onlar yalnız vâ- ridât teʼmîn edecek heyʼetlerdir. Onun için burada masraf değil, vâridât mevzûʻ-ı bahisdir". [111] Hamdi Suad Bey: "-İstanbul'daki mahalleler köy heyʼetleridir. Bu heyʼetler bazen kirâ ile bir yer, ictimâʻgâh tutuyorlar. Şimdi kirâyı vermekde salâhiyetdâr değiller mi? Sonra tabîʻî lamba ya- karlar, gaz sarfiyâtları olur. Esâsen öyle mühim ve büyük bir masrafları da yokdur, efendim. İstiksâr edilecek bir şey değildir".