HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2366 Hakîkaten eski nizâmnâme çok kusûrludur. Çünkü yüzde on masraf kabûl etmek, o merkezin yalnız tahsîl-i masrafını tanımak demekdir. Bize merkezlerin, Anadolu'daki şuʻbelerin cevâbı dâimâ bu olmuşdur: Siz neden vâridâtımızın yüzde doksanını istiyorsunuz? Harb zamânında ufak tefek hastahâneler yapmak, dispanserler açmak gibi husûsâtı şuʻbemiz yapmazsa burada Hilâl-i Ahmer'in hidemâtı takdîr edilmiyor. Halk da heyecâna gelip para vermiyor, diyorlar. Bendeniz teklîf ediyorum ki, vilâyet merkezleri bi'l-umûm şuʻbeleri de dâhil olduğu hâlde bir senelik vâridât-ı umûmiyelerinin yüzde ellisine kadar olan mikdârını mahallî ihtiyâcâta sarf edebil- sinler. Eğer mâdde arz etdiğim şekilde kabûl buyurulursa, mâddenin encümence teklîf edilen şeklinin teʼmîn etdiği menfaʻatden daha çok istifâde teʼmîn eder. Yüzde elli denince belki çok görünüyor. Müsâʻade buyurursanız tahtaya kalkayım. Rakamla îzâhât vereyim. (Ömer Lütfi Bey tahtada îzâhât verdi.) Farz edelim, şuʻbelerin yirmi beş bin lirası var. Encümenin teklîf etdiği şekil kabûl edilirse şuʻabâtın bu 25 bin liranın yüzde yirmisi olan beş bin lirayı mahallî ihtiyâcâta sarfa meʼzûndur. Şu hâlde maʻa-mülhakât merkezin sarfa meʼzûn olduğu para 5.000 + 7.000 = 12.000 lira eder. Bu para- dan köy veya mahalle şuʻbeleriyle nâhiye şuʻbelerinin sarfına meʼzûn oldukları % 10'lar da çıkarsa % 70'i bulur. Hâlbuki benim teklîfim yani yüzde elli nisbeti kabûl edilirse on bin lira tutar. Daha açık bir şekle nazaran köy veya mahalle şuʻbeleri % 10, nâhiye şuʻbesi de % 10, kazâ şuʻbesi % 10 ilâ 20 sarf edecek, böylece azala azala merkeze gelen paradan merkez de % 35 sarf edecek. Demek ki, % 65 ilâ 75 sarf olunacak. Hâlbuki bendeniz % 50 teklîf ediyorum". Reîs: Tensîb buyurulursa encümen, Ömer Lütfi, Sabur Sami, Salahaddin ve Hamdi Suad Beye- fendilerle birleşerek bu nisbet mesʼelesini tedkîk etsinler ve bize bir şekil tensîb etsinler". (Muvâfık sesleri) Hakkı Şinasi Paşa: "-Şimdi biter efendim, tesbît ederiz". Reîs: "-Biz devâm edelim, efendim. Mâdde 124- Bir mahalden diğer mahalle nakleden aʻzâ gitdiği mahal merkez veya şuʻbesinin bulunduğu sınıfa göre aʻzâsından maʻdûd olur. Merâkiz ve şuʻabât bu nakilden yekdiğerini haberdâr ve muʻâmelât-ı kaydiyeyi tesviye ederler. [115] Mâdde kabûl buyurulursa lütfen el kaldırınız. (Eller kalkar.) Kabûl olundu. Mâdde 125- Ayrıca tanzîm olunacak taʻlîmâtnâme ahkâmına tevfîkan zükûr ve inâs mekâtib şâkirdânı meyânında Gençlik Hilâl-i Ahmeri Teşkîlâtı yapılır " . Haydar Bey: "-Bu Gençlik Salîb-i Ahmer Teşkîlâtı gâyet mühimdir, efendim. Dünyânın her tarafında bu teşkîlât ayrıca nizâmnâme-i esâsîlerle idâre edilmekdedir. Gençlik nizâmnâme-i esâsîsi, elimizdeki nizâmnâme-i esâsî kadar ve belki ondan daha mühimdir. Gençlik Salîb-i Ahmer Teşkîlâtı, beynelmilel bir mâhiyeti hâizdir ve her yerde ana Salîb-i Ahmer'ine tâbiʻdir. Gençlik Salîb-i Ahme- ri'nin târîhini, istihdâf etdiği gâyeyi, aʻzâsını ve sûret-i idâresini arz etmezden evvel birkaç rakam arz edeceğim. Gençlik Salîb-i Ahmeri'ne dâhil olan Arjantin 41.668, Avustralya 68.482, Avusturya 140.000, Belçika 16.520, Bulgaristan 53.800, Kanada 93.488, Estonya 15.504, Amerika 5.596.552, Macaristan 82.000, İtalya 1.000.000, Japonya 340.000, Lehistan 120.000, Romanya 50.000, Çekos- lovakya 290.842, Yugoslavya'da 120.000 genç aʻzâ vardır. Bu erkâmın neşri târîhinde henüz teşekkül etmiş olan Yunanistan dâhil değildir. Son günler- de nazar-ı mütâlaʻamızdan geçen resmî bir istatistikde de Yunan Gençlik Salîb-i Ahmeri aʻzâsını 100.000 mikdârında olarak mukayyed görüyoruz.