HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2371 10'uncu Fasıl: Mâdde 127- Meclis-i umûmî her sene tedkîk komisyonunu teşkîl etmek üzere merkez-i umûmîye dâhil bulunmayan ve meclis-i umûmîye iştirâk hakkını hâiz olan üç aʻzâdan mürek- keb bir komisyon teşkîl eder. Bunlardan inhilâl vukûʻunda yerine kâim olmak üzere iki de ihtiyât aʻzâ intihâb eyler. Bu komisyonun vazîfesi teftîşine meʼmûr olduğu senenin hesâbâtıyla o sene zarfındaki mâlî ve idârî muʻâmelâtı tedkîk etmek ve netîce-i tedkîkâtı [120] hakkında meclis-i umûmîye rapor vermek ve merkez-i umûmînin vereceği büdce lâyihası üzerinde de tedkîkât icrâ ederek mütâlaʻâtını meclis-i umûmîye arz eylemekdir. Tedkîk komisyonunu teşkîl eden üç aʻzâya meclis-i umûmînin tensîb edeceği mikdârda tazmînât iʻtâ olunur " . Remzi Bey: "-Aʻzâ mülâzımı yerine ihtiyât veya yedek aʻzâ demek daha muvâfık olur. Tensîb buyurulursa ihtiyât aʻzâ diyelim". Reîs: "-Remzi Bey'in ihtiyât aʻzâ teklîfini kabûl edenler el kaldırsın. (Eller kalkar.) Kabûl olun- muşdur, efendim. Aʻzâ mülâzımı yerine ihtiyât aʻzâ diyoruz. Fasıl 11: Mâdde 128- Hilâl-i Ahmer Cemʻiyeti'nin menâbiʻ-i vâridâtı ber-vech-i âtîdir: 1-Aʻzâ taʻahhüdâtı 2-Aynen ve nakden vukûʻ bulan iʻânât ve teberruʻât 3-Müsâmere ve tenezzüh ve konferans ve çiçek sergi ve eyyâm-ı muʻayyenede neşredilecek ga- zete ve risâle ile şefkat pulu ve piyango vesâire hâsılâtı 4-Maʻbed ve hastahâne ve mekteblere vesâir yerlere konulan Hilâl-i Ahmer iʻâne kutuları hâ- sılâtı 5-Hükûmet ve evkâf ve belediyeler tarafından yapılacak muʻâvenet 6-Emvâl-i gayr-ı menkûlenin bedel-i îcârı ve mevcûd sermâyesinin fâizi 7-Bazı vergilere hükûmetçe tarh edilecek küsûr-ı munzamma 8-Hükûmetçe iʻtâ olunacak imtiyâzât ve her gûnâ müsâʻadât hâsılâtı ve bizzât Hilâl-i Ahmer tarafından işletilecek maʻden suları vâridâtı 9-Hilâl-i Ahmer için hükûmet veya belediyelerce ihdâs edilecek menâbiʻ-i vâridât ". Remzi Bey: "-Burada beşinci fıkrada verilecek tahsîsât yerine 'muʻâvenet' taʻbîri kullansak daha doğru olur. Husûsî bir cemʻiyete hükûmet tarafından doğrudan doğruya tahsîsât verilmesi muvâ- fık olmaz". Reîs: "-Muʻâvenet yerine âidât kelimesi teklîf olunuyor. Kabûl buyuranlar el kaldırsın. (Eller kalkar.) Beşinci fıkranın teklîf vechile tashîhi kabûl edildi". Haydar Bey: "-Bu menâbiʻ-i vâridât meyânında bir husûsa nazar-ı dikkati celb etmek isterim, efendim. İtalya Salîb-i Ahmeri gerek devâir-i resmiyede ve gerek müessesât-ı husûsiyede atılan kâ- ğıd parçalarından senevî üç milyon frank alıyor. Bu istisgâr edilecek bir meblağ değildir. Bu husûsda İtalya Salîb-i Ahmeri parlamentodan 1930 senesine kadar imtiyâz almışdır. Acabâ bizde de bu cihet kâbil-i tatbîk değil midir? İtalya Salîb-i Ahmeri'nin siʻa-i mâliyesiyle bizimki hemen hemen müsâvî- dir. Buna orada trésor yani İtalya menâbiʻ-i vâridâtının hazînesidir diyorlar. İleride Büyük Millet Meclisi'nden müsâʻade istihsâl edilmek üzere menâbiʻ-i vâridât meyânında bunun da nizâmnâmede zikri kâbil değil midir?" Reîs: "-Lütfen bir şekil tesbît buyurunuz, efendim".