HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2387 Makâm-ı riyâset evvelce Sabur Beyefendi'nin ifâdeleri üzerine Ankara murahhaslığı mesʼelesinin teʼhîr-i müzâkeresini teklîf etdi. Gerçi aʻzâ-yı kirâm okumuşlardır. Çok istirhâm ediyorum. Şuna dikkat buyurulsun ki, raporda idâre encümeni de aynı teklîfi dermeyân etmişdir. Makâm-ı âlînizden karârdan sonra bu mesʼeleye âid söz söylenmemesi ricâ edilmişdi. Buna rağmen Ali Paşa hazretleri bu mevzûʻa temâs etdiler ve güftgû sözünü kullandılar. İdâre encümeni bu güft ü gû sözünü kabûl etmez, efendim. Şahsını bile tanımadığım Besim Paşa hakkında güftgû yapmam". Sabur Sami Bey: "-Gazetelere atfen söylediler". Reîs: "-Bu taʻbîr size âid değil, gazetelere âiddir". Celâl Sâhir Bey: "-O hâlde bendeniz sükût ediyorum ve mesʼelenin zabta geçmesini teklîf edi- yorum. Sonra Sabur Beyefendi bazı mütâlaʻât dermeyân buyurdular. Tabîʻî idâre encümeni Hilâl-i Ahmer'in binlere bâliğ olan heyʼet-i idâre mukarrerâtını ve yine yirmi beşe bâliğ olan merkez-i umûmî celselerini birer birer tedkîk etmişdir. Farazâ Himâye-i Etfâl ile tevhîd-i mesâʻîden bahset- diler. Maʻlûm-ı âlîleridir ki, bu iki cemʻiyetin gâyeleri başka başkadır. Tamâmen tevhîd-i harekâta ihtiyâc yokdur. Kendilerini tenvîr için arz ediyorum ki, Hilâl-i Ahmer dâimâ Himâye-i Etfâl'e karşı muzâhir bir vazʻiyet almışdır. Farazâ İngilizlerden aldığı eşyâda, Himâye-i Etfâl'den mürâcaʻat vâkiʻ olunca, tenzîlât mikdârını yüzde otuza indirmişdir. Bazısını bilâ-bedel de vermişdir. Nakden muʻâve- netde bulunmuş, hâsılı Himâye-i Etfâl, Hilâl-i Ahmer nezdinde mürâcaʻatı en çok hüsn-i kabûl gören bir müessese olmuşdur. Sonra elbise mesʼelesine gelince; bendeniz küçük noktalara çok dikkat ederim. Raporda kay- detdiğimiz noktanın yanlış telâkkî edilmemesini arz ederim. Elbiseler çürümekdedir demedik. Fa- kat kâğıddan maʻmûl şeylerin âkıbeti maʻlûm-ı âlînizdir. Rafda uzun müddet durunca çürüyecekle- ri tabîʻîdir. Raporda bazı küçük tertîb sehivleri de vardır, efendim. Evvelâ 18'inci sahîfede Ankara murahhaslığı mesʼelesine taʻalluk eden satırlarda, beşinci satırda 'Yunan işgâli esnâsında' kelimeleri tayyolunacakdır. Sonra 19'uncu sahîfede Beynelmilel Salîb-i Ahmer Komitesi faslında 'Salîb-i Ahmer Komite- si'ne muzâhir' yerine 'Salîb-i Ahmer Komitesi'nin salâhiyetlerinin muhâfazasına muzâhir' denecekdir. Biz bu Beynelmilel Salîb-i Ahmer Komitesi ve Birliği mesʼelesini, Hilâl-i Ahmer Cemʻiyeti'ni ya- kından alâkadâr edici bir cemʻiyet olmakla berâber Hilâl-i Ahmer dâimâ hükûmetle temâs ederek ve onun endikasyonları tahtında hareket edeceği cihetle bu mesʼeleyi hattâ raporda hiç disküte etmek istemiyorduk. Hattâ tekrâr etmiş olmamak için iki satırla mütâlaʻamızı arz etdik. Öyle zannediyorum ki, Beynelmilel Salîb-i Ahmerler Komitesi ve Birliği bu ictimâʻda müzâkere olunmaz da merkez-i umûmîye havâle buyurulursa musîb bir hareket [139] ittihâz buyurulmuş olur. Çünkü arz etdiğim vechile bu mesʼelenin birçok temâs noktaları vardır". Reîs: "-Başka söz isteyen var mı?" Âkil Muhtar Bey: "-Bendeniz gâyet kısa söyleyeceğim efendim. Çünkü mesʼele kendiliğin- den hallolunmuşdur. İdâre encümeninin bize verdiği raporda birkaç nokta üzerinde afvlarına binâen maʻrûzâtda bulunacağım. 1339 [1923] senesi sonunda ictimâʻlarını bitiren meclis-i umûmînin karâr verdiği taʻdîlâtın icrâsı ve hükûmete tasdîk etdirilmesi için geçen bir sene bir ay müddet çokdur buyu- ruluyor. Fi'l-hakîka öyledir. Fakat hükûmet taʻdîlâtı bir an evvel tasdîk için elinden geleni yapmışdır. Ancak Şûrâ-yı Devlet vesâire gibi bazı mesâil vardı ki, bu mesʼelenin şimdiye kadar teehhuruna se- bebiyet verdi. Sonra Hilâl-i Ahmer anbârında mevcûd lüzûmsuz eşyânın elden çıkarılması husûsunda gayret edilmişdir. Hattâ bu meyânda Edhem Pertev Beyefendi'nin isimlerini lisân-ı şükrân ile yâd